II ТАРАУ. ТУА БІТКЕН БҰЛШЫҚЕТТІК ҚИСЫҚ МОЙЫН Қисық мойын- туа немесе жүре пайда болған мойынның түр өзгеруі,
яғни бастың бір жағына қисайып немесе бұрылып тұруы. Мұндай қисық
мойындық көп жағдайда жұмсақ тін мен төс бұғана емізікше бұлшықетінің
патологиялық өзгерісінен, ал аз жағдайда омыртқаның мойын бөлігінің
кемістігінен пайда болады. Қисық мойын дамуы мынадай түрлерге бөлінеді:
1. Бұлшықеттік.
2. Сүйектік.
3. Жүйкелік.
4. Тері-еттік.
5. Компенсаторлық.
Көптеген
зерттеушілердің
көзқарасы
бойынша,
тірек-қимыл
аппаратының басқа туа біткен ауруларына қарағанда туа біткен қисық
мойындық 5-12%-ын құрайды. Бұл ауру жиілігінен туа біткен қисық аяқтық
пен туа біткен сан буынының шығуынан кейін 3-ші орынға ие болады және
кейбір авторлар (С.Т.Зацепин, М.О.Фридлянд) бұл ауруды қыз балалардың
оң жағында көп кездеседі деп есептейді. Бірақ екі жақты туа біткен
бұлшықетті қисық мойын болып кездесуі де мүмкін. Бұл жағдайда төс-
бұғана-емізікше бұлшықетінің қысқаруына қарай бастың еңкеюі көбейеді.
