Тренингтің тақырыбы «Зиянды заттардан аулақ бол» Мақсаты
жүктеу/скачать 19,03 Kb.
|
Тақырыбы Зиянды заттардан аулақ бол! (Тренинг)
- Бұл бет үшін навигация:
- 1. Сәлемдесу Нұсқау
- Ситуациялық жағдайлардан шыға білу.
- «Жоқ» деп айтуды үйрен жаттығуы
- 4. «Қуыршақ» жаттығуы Нұсқау
- 6. «Дені сау ұрпақ» жаттығуы
- 7. Рефлексия
- Тренингтің тақырыбы
|
Тренингтің тақырыбы «Зиянды заттардан аулақ бол» Мақсаты:Өзіне және іс-әрекетіне жауапкершілікті қалыптастыру Міндеті: Шешім қабылдау дағдысы мен «жоқ» деп айтуды қалыптастыру; Топ қысымына қарсы тұра қабілетін игерту. 1. Сәлемдесу Нұсқау: Әр қатысушы өз есімім және болашақта кім болғысы келетінін айтып шығуы керек. Сіздердің осы таңдаған болашақтағы армандарыңның орындалуы үшін сіздер қандай өмір салтын ұстануларың керек? Оқушылар жауап береді. Оқушыларға сұрақ қойылады: қоғамға үлкен дерт әкелетін қандай зиянды заттар бар? Дұрыс айтасыздар , бүгінгі біздің тренингтің тақырыбы «Зиянды заттардан аулақ бол » деп аталады. 2. Топқа бөлу Бейнекөрініс. Нашақорлықтың зардаптары. Оқушылар бейнекөріністі талдайды 3. Тақырып бойынша жұмыс Нұсқау: «Өмірде кейбір жағдайға « жоқ» деп жауап беруімізге тура келеді. Егер сізге есірткіні немесе шылымды тартып көруді сұранса, өзіңізге сенімді түрде кері жауап беру қажет. «Ойланып көрейін», «кішкене тартып көрермін» деген сөз ұсынушыға мүмкіндік береді. Нақты анық қысқа байсалды «жоқ» деп жауап беріп үйренген жөн. Бүгін біз соның екі түрімен танысамыз. 1.Ену – сөздің қызығушылығыңыз бен саналы талдауыңызға қарсы келетін кез келген әрекетке кері жауап беру. Себебі, оған ата-ана, заң ереже, мұғалім тиым салған. 2. «Иә, бірақ...» - сізге ұсынылғанмен келісесіз, бірақ өзіңіздің бірнеше нұсқаңызды ұсынасыз. Ситуациялық жағдайлардан шыға білу. Бір спортсмен өзі әйгілі болады.Жақсы жұртқа танымал.Бірақ табыс көзі онша болмайды.Енді ол отбасын асырау үшін «арақ»заводына жұмысқа тұрады.Алғашқы кезде жақсы табыс тауып жүреді.Кейіннен ол аз-аздап ішіп,араққа бойы үйреніп кетеді.Енді жұмысты тастайын десе,ақша керек,тастамайын десе,ішіп қоя береді.Ситуациядан қалай шығуға болады? 2.Темекі тартпайтын планетадан келген қонаққа темекі деген не және оны адамдар не үшін тартатыны жайлы түсіндіру қажет.(қонақтың ролін бір оқушы ғана орындайды,қалған оқушылар темекі туралы оған түсіндіреді 3. Сенің достарыңның бәрі темекі шегеді.Ал сенің темекі шеккің келмейді,сол үшін олар сені шеттете бастайды.Сен олардан бөлініп кете алмайсың.Не істер едің,жоқ әлде қойдырудың жолын іздестірер ме едің? 4. .Сұрақ қою. 1. “Денсаулығың өз қолыңда” дегенді қалай түсінесіңдер? 2. Салауатты өмір салты не үшін керек? 3. “Сатып алған ауруға дауа жоқ” дегенді мысалдармен түсіндіріңдер «Жоқ» деп айтуды үйрен жаттығуы Нұсқау жаттығуды жұппен жүргізеді. Білім алушының біреуі есірткі немесе темекі, ішімдік ұсынады екіншісі бас тартады. Жауап нақты болуы керек. Сосын білім алушылар орын алмастырады. Жұмысқа 5 минут уақыт беріледі. Жаттығуды жасап болғаннан кейін екі сұрақ қойылады: -Нақты, берік жауап дайындау қаншалықты оңай болды? -Сендіру мен бас тартқан адам рөлінде ойнағанда қандай сезімде болдыңыз? -Қай рөлді оңай ойнадыңыз? Бас тарту жауабының нұсқалары: -«Рахмет, керек емес. Оның маған зиян келтіретінін білемін» -«Рахмет, керек емес.Оны татып көргенмін, бірақ маған ұнамады» -«Рахмет керек емес . Мен ата-анаммен , ұстаздарыммен шиеленәске түскім келмейді.» -«Рахмет, керек емес. Мен жаттығуға асығып бара жатырмын.» 4. «Қуыршақ» жаттығуы Нұсқау: Мен сіздерге жіп арқылы басқарылатын театрлық марионетка қуыршағының рөлін ойнап көруді ұсынамын. Қатысушыларүштен бөлінеді. Әр үштікке тапсырма беріледі: екі қатысушы қуыршақты басқаратын адам рөлін, ал үшінші марионетка рөлін ойнау қажет. Әр үштікке 1,5 метрлік ара қашықтықта орналасқан екі орныдық беріледі. Қуыршақ жетекшілері марионетканы бір орындықтан екіншісіне ауыстырады. Қуыршақ қарсыласпауы керек. Қуыршақ рөлінде әрі қатысушы болып көрген маңызды. Талдау: Қатысушы «қуыршақ-марионетка» рөлінде болғанда қандай сезімді болдыңыз? Осы сезім өзіңізге ұнады ма? Өзіңізді ыңғайлы сезіндіңіз бе? Ойын нұсқауында өз бетінше ірекет етуге тілегіңіз болды ма? 6. «Дені сау ұрпақ» жаттығуы Қажетті құралдар: 3 ватман қағаз, түрлі түсті бояу, қарындаштар 1 топ- «Темекі шегу – әлеуметтік дерт» 2 топ-«Ішімдіктің зардабы» 3 топ – «Есірткіге жол жоқ» тақырыбында сурет салу. Әр топ салған суреттері жайында әңгімелеп, қорғап шығады. Қорытынды: Елдің елдігін, азаматтың ажарын ашатындай жақсы қасиеттерді үлгі, мұра етіп қалдыра гөр,-дей отырып: Айналайын жастарым, Өн- бойыңды әрдайым, Дәл осындай кеселден, Сақтай жүрші ылайым!-дегім келеді. 7. Рефлексия: Әр оқушы «Бүгін мен ....» деп басталатын аяқталмаған сөйлемді өз ойымен аяқтайды. Алматы облысы Жамбыл ауданы Қарғалы №3 орта мектебі Тренингтің тақырыбы «Зиянды заттардан аулақ бол» Сыныбы 9 «А» Орындаған: Мукаранова Т.С. 2014-2015 оқу жылы жүктеу/скачать 19,03 Kb. Достарыңызбен бөлісу:
|