Туынды сөздің танымдық сипаты

ТУЫНДЫ СӨЗДІҢ ТАНЫМДЫҚ СИПАТЫ

• Туынды сөздер ең кемі екі морфемадан құралып, сөзжасам әрекетінің нәтижесінде жасалған, белгілі лексикалық мағынасы бар сөздер.
• Тілде сөзжасамдық тәсілдер түрлі болғандықтан, олардың нәтижесінде жасалған туынды сөздер де түрліше.
• Туынды сөздер сөзжасам үрдісінің нәтижесі.
• Туынды сөз сөзжасамға қатысты, сөзжасамның мәселелерінің бірі.
• Туынды сөздер - тіліміздегі ең көп сөздер, өйткені олар тілдің барлық кезеңіңде үздіксіз жасалып, тілге қосылып, сөздік қорды үнемі байытып отырған.

• Дара туынды сөздер лексикалық мағына береді, бір ғана сөзден тұрады.
• Дара туынды сөздерге негізінен туынды түбір сөздер жатады. Мысалы: кәсіпкер, аялдама, оқырман, көрермен, өзгер, басқар, сәлемдес, қосақта, сөйлесім, жалақор, тілші, т.б.
• Дара туынды сөзге лексика-семантикалық тәсіл арқылы жасалған туынды сөздердің дара түрі де жатады. Мысалы: буын, тасымал, құн, нарық, қүқық, баға, т.б. Бұл сөздердің күнделікті өмірде қолданылатын бейтарап мағынасы бар, солардың негізінде кейін жасалған термин мағынасы бар. Термин мағынасында бұл сөздер туынды сөздерге жатады, бірақ мұндай сөздер туынды түбірлерге қарағанда, әлдеқайда аз.
• Дара туынды сөздердің негізін туынды түбір сөздер құрайды.