Көкірек қуысының үстіңгі лимфа түйіндері - қолқаның үстіңгі жағында, омыртқалардың астында орналасқан, ұзындығы 1-3,5 см. Лимфаны иық белдері мен омыраудан көкірек пен үлпершектен плевра мен диафрагмадан, бауыр мен көк бауырдан жинайды. Лимфаны көкірек өзегіне құяды.
Сол бронхтың лимфа түйіні - ұзындығы 2,5-3,5 см, қалың майдың арасындағы сол бронхтың түбінде, қолқаның көмкерілген жерінің астында орналасқан. Лимфаны жұтқыншақтан, өкпе лимфа түйіндерінен, жүректен және бронхтардан жинайды. Жиналған лимфа көкірек лимфа өзегіне немесе көкірек қуысының алдыңғы лимфа түйіндеріне ағады.
Оң бронхтың лимфа түйіні - ұзындығы 1-3 см, кеңірдектің бронх-ыларға бөлінген жерінде жатады. Лимфаны өкпенің жиегінен, жұтқыншақтан, кеңірдектен және бронхтардың басталған жерінен жинайды. Лимфаны көкірек өзегіне құяды.
Бауырдың лимфа түйіндері - бауыр қақпасының тұсында май безімен ұйқы безінің арасында жатады. Ұзындығы 1-7 см. Лимфаны бауырдан, ұйқы безінен, он екі елі ішектен және ұлтабардан жинайды.
Бүйректер - майынан ажыратылып сырттай қаралады. Егер сыртқы көрінісі мен бітімінде өзгерістер байқалса, мұндай бүйректер ұзынынан пышақпен тілінеді. Бүйрек қабығы жарақаттанып қабынғанда, уланғанда, туберкулез, т.б. ауруларда бүйректерді бірнеше жерден тіліп, мейлінше ұқыпты тексеру қажет.
Бүйректің лимфа түйіндері - ұзындығы 1,5см, бүйрек қан тамыр-ларының құрсақ қолқасынан шыққан жерінде орналасқан лимфаны бүйректен жинайды да, белдеме цистернасына құяды.
Қарынды, ішектер мен шажырқай лимфа түйіндерін, жатыр мен желінді малдың ішіне ақтаратын жерде тексереді. Бұл ағзалардан ақаулықтар бай-қалса, оның себебін анықтайды.
Қарынның лимфа түйіндері - ұлтабар, үлкен қарын, таз қарын жалбыршақтың үстінде жатады. Көптеген ұсақ түйіндерден құралады, әр қайсысының ұзындығы 1-4см, келеді. Лимфаны қарын бөлімдерінен, он екі елі ішектен және көк бауырдан жинайды. Жиналған лимфа белдеме цистернасына құйылады.
Шажырқайдың лимфа түйіндері - шажырқайдың ішінде жатады. Лимфаны тоқ ішек пен аш ішектен жинайды да, белдеме цистернасына құяды.
Достарыңызбен бөлісу: |
