Xii – XV ғасырдың бірінші жартысындағы Қазақстан

Қолөнер.

• ХІІІ-ХІV ғасырларда Отырар қаласында жасалған керсендерге құстар мен хайуанаттардың суреттері салынған.
• ХІІІ ғасырдың екінші жартысынан бастап Сырдария бойындағы қалаларда кірпіш күйдіру кәсібі өркендей бастаған.
• Отырар қаласының оңтүстік-батыс жағынан екі жерден кірпіш күйдіретін шеберхананың орны табылған.
• Қалалық мәдениеттің дамығандығын көрсететін қолөнердің бір түрі мыс қорытып, қоладан түрлі бұйымдар жасау кәсібі болып табылады.

Әйнек жасау.

• Х-ХІ ғасырларда Отырар, Тараз қалаларында әйнек жасау кәсібі дамыған.
• Моңғол шапқыншылығынан кейін бұл кәсіп тоқырауға ұшырағанымен, ХІІІ ғасырдың аяғында қайта жандана бастаған.
• Сонымен қатар қалаларда:
• Сүйек ұсату;
• Тас қашау кәсіптері де дамыған.
• Табылған бұйымдардың ішінде сүйектен жасалған түймелер, ілгек-қапсырмалар, сүйекпен безендірілген пышақ саптары кездеседі.
• Тастан су және қол диірмендер, шойбалта, балға, келсап, қайрақ тастар жасалған.