Тәжірибе 2. Мыс сымын никельдеу
Мыс сымының бір ұшына бекітілген жіңішке мыс пластинкасын
(ұзындығы 3-4 см және ені 1см), зімпара қағазымен мұқият тазалап және 1-2
минут 20% сілті ерітіндісі бар стаканға салыңыз. Содан кейін оны жуғышпен
шайыңыз. Пластинканы қолмен ұстамаңыз, өйткені ұстағанда қалып қоятын
май металдың никельденуіне кедергі келтіреді. Пластинканы 1-2 минутқа
күкірт қышқылы ерітіндісіне салыңыз. Одан кейін пластинканы сумен тағы да
шайқаңыз. 25мл арналған стаканның орта белдігіне дейін электролит ерітіндісін
құйып, оған никель және мыс пластинкаларын салыңыз. Никельдің анод, ал
мыстың катод болуы үшін пластинканың сымын тұрақты ток көзіне жалғаңыз.
Бірнеше уақыттан кейін мыс пластинкасы никельмен қапталады. Анодта және
катодта жүретін электролиз процесінің реакция теңдеуін және сызбанұсқасын
жазыңыз.
Ескерту: Никельдеу үшін электролитті келесідей дайындайды: 500 мл суда 25 г
никель сульфатын және 12,5 г аммоний хлоридін ерітеді (ерітіндінің белгілі бір
рН–на келтіру үшін).
Достарыңызбен бөлісу: | 
