Зертханалық жұмыстың дәлдiгiн, яғни қаншалықты дұрыс жүргiзiлгендiгiн сипаттайтын көрсеткiштер – эксперименттiң а б с о л ю т қ а т е с i, әсiресе, с а л ы с т ы р м а л ы қ а т е с i болып табылады. Бұл шамаларды есептеу жолы өте қарапайым. Берiлген проценттiк концентрация (ωтеор) мен эксперименттiк проценттiк концентрацияның (ωэксп ) айырмашылығы абсолют қатенiң мәнiн бередi. Таңбасы оң не терiс болуы мүмкiн:
εабсолют = ωтеор - ωэксп
қате
Абсолют қатенiң проценттiк концентрацияның теориялық мәнiне катынасы салыстырмалы қатенiң шамасын көрсетедi. Таңбасы оң не терiс болуы мүмкiн, бiрақ абсолют мәнi алынады.
ε салыстр = εабсолют қате · 100%
қате ωтеор
Салыстырамалы қате - эксперименттiң қаншалықты дәл және ұқыпты жүргiзiлгендiгiн айқындайтын көрсеткiш.
Салыстырмалы қатенiң шамасы мына факторларға байланысты:
1. Таразыда NаСI өлшендiсiнiң қаншалықты дәл өлшенгендiгiне.
2.Түзды ерiту үшiн өлшеуiш колбаға құйылған судың колбаның сыйымдылығын көрсететiн белгiмен қаншалықты дәл келгендiгiне.
3. Натрий хлоридінің тазалық деңгейіне, яғни химиялық реактив ретіндегі квалификациясына.
Тәжiрибе жасалып, есептеулер жүргiзiлiп, 2-ші кестенiң графалары толтырылғаннан соң, жұмыс дәптерi оқытушыға көрсетiлiп бағаналады. Егер салыстырмалы қатенiң шамасы 10% аспаса, жұмыс қабылданады. Ал егер - 10% -тен артық болса, тәжiрибе қайта жасалады.
Достарыңызбен бөлісу: |
