Концентрациясына қарай ерітінділер қандай топтарға бөлінеді?

Ерітінділердің концентрациялары әдетте ерітінді көлемінің бірлігі құрамындағы массалық және көлемдік пайызбен , мольмен немесе грамм – эквивалентпен , сонымен қатар титрімен және моляльдігімен есептеліп , белгіленеді . Жуықтап алынған ерітінділердің концентрациялары ертіндінің 1л массалық пайызбен , дәл ерітінділердікі – мольмен , грамм – эквивалентпен немесе титрмен белгіленеді.

Концентрация –еріген заттың ерітіндідегі мөлшерін көрсетеді. Егер ерітіндінің концентрациясын сандық мөлшермен көрсетпесе, оларды қанықпаған , қаныққан, аса қанық ерітінді деп бөледі.

Қанықпаған ерітінді- концентрациясы қаныққан ерітіндінің концентрациясынан төмен болатын , берілген жағдайлар өзгеріссіз болғанда еріген заттың қосымша мөлшерін еріте алатын ерітінді.

Қаныққан ерітінді - еритін зат тұнбасымен динамикалық тепе- теңдік күйде болатын , заттың еру жылдамдығы мен кристалдану жылдамдығы тең болатын ерітінді.

Аса қанық ерітінді- концентрациясы қаныққан ерітіндінің концентрациясынан жоғары болатын , термодинамикалық тұрақсыз ерітінді.