Қазақстан Республикасы Білім және ғылым министрлігі
Бәйдібек ауданының адами әлеуетті дамыту бөлімі
8 – сынып оқушысы
Сейдалы Назерке
Тақырыбы: «Батыр Баян поэмасының көркемдік ерекшеліктері»
Секция: Қазақ тілі мен әдебиеті
Ғылыми жетекшісі:
Қазақ тілі мен әдебиет пәні мұғалімі
Кенишбаева Разия Абдинабиевна
___________2021жылы
Пікір
Мағжан Жұмабаев – халқымыздың маңдайына біткен біртуар ақыны әрі ұлт мақтанышы. Мағжан поэзиясы – кең тынысты поэзия. Идеялық мазмұны мен тақырыптық, жанрлық ерекшеліктері демократиялық бастаулармен, білім мен ғылым, қазақ мемлекеті, оның болашағы мен азаттығы, теңдігі тәрізді асыл ұғымдармен астасып жатыр. Бұл ақынның шабытты шығармашылығының соны қырларын айқындай түседі. Бүгінгі уақыт, жаңарған қоғам, қалыптасқан қазақ мемлекеті тұрғысынан қарағанда, Мағжан Жұмабаевтың өлеңдері, ғылыми-әдеби мұрасы қайта зерделеуді қажет етеді. Бұл тұрғыдан келгенде, "Батыр Баян" поэмасының маңызы ерекше. Биік романтикалық сарынға құрылған бұл поэмада батырлық та, достық та, адамгершілік, мейірім де, ашу-ыза да бар. Поэмада көтерілген тақырып - ұлттық тақырып. Қазақ елінің ғасыр бойы көксеген арманы. Елім деп еңіреген перзентінің кеудесін жарып шыққан ыстық сезімін зерделеуге арналды. Бұл зерттеу де сол ұлт руханиятына қосылған теңіздің тамшысындай үлес деуге болады.
Достарыңызбен бөлісу: |
