021 – 2022 оқу жылы Орыс тілінде оқытатын мектептердегі қазақ тілі Олимпиадалық тапсырмалар сынып
жүктеу/скачать 192,01 Kb.
|
- Бұл бет үшін навигация:
- Орыс тілінде оқытатын мектептердегі қазақ тілі Олимпиадалық тапсырмалар 7 сынып Оқылым Тоңған торғай
| Қостанай облысы әкімдігі бiлiм басқармасының «Қостанай қаласы білім бөлімінің «Дарын» ғылыми-практикалық орталығы» КММ КГУ «Научно-практический центр «Дарын» отдела образования города Костаная» Управления образования акимата Костанайской области 2021 – 2022 оқу жылы Орыс тілінде оқытатын мектептердегі қазақ тілі Олимпиадалық тапсырмалар 7 сынып Оқылым Тоңған торғай Мұқаш құстарды жақсы көреді. Аспанда ұзақ қалықтап қанатын қақпай демалатын қырандарға деген ықыласы өте ерекше. Барлық құстардан қорықпайтын қыранның батылдығын, батырлығын әңгіме ғып өзінің інісі Қожанға айтып отырады. Алматыны ақ қар басты. Қара қарға, суық торғайлардан басқа құстар жылы жаққа ұшып кеткелі де біраз болды. Кешке мектебінен қайтып келе жатқан Мұқаштың алдын бір суық торғай кескестей берді. Мұқаш ұмтылып ұстайын деп еді, әлгі торғай отырған жерінен қозғалмады. Мұқаш торғайды ұстаған бойы қойнына тықты. Әбден мұздаған болуы керек, Мұқаштың дүрсілдеп соққан жүрегін тыңдап отыра берді тоңған торғай. Мұқаш үйге қуанып кірді. «Ата, апа, мен торғай ұстап әкелдім» деп қойнындағы торғайын үйдегілерге көрсетіп шықты. Бүріскен торғай көзін ашты. Әбден әлі біткен болуы керек, қорқуды, қашуды ойына да алмады. Мұқаш нан қоқымдарын алдына қойып еді, шоқып жей бастады. Сөйтіп біздің үйді бір торғай қыстай мекендеді. Көктем шықты. Мұқаштың торғайы даланы аңсап терезеден сыртқа көбірек қарауды шығарды. Апасы Мұқашқа: Торғайыңды қоя бер. Оның отаны анау кең дала, анау биік аспан. Өз Отанына қоя бер, - деді. Мұқаш біраз ойланды да торғайын қоя берді. Торғай алғаш терезе алдындағы жас талға қонды... Содан соң әрі қарай қанатын қағып ұшып кетті. «Торғайым, жолың болсын» - деді Мұқаш қуанып. Мүмкін екі-үш ай үйде бірге болған торғайын Мұқаш аяп тұрған да болар, кім білсін. Торғайың қыста, мүмкін, қайтып келер, - деп жұбатты Мұқашты үлкен апасы. Мұқаш апасының сөзіне шынымен-ақ сенгісі келеді. Өйткені, ол торғайын өте жақсы көріп кетіп еді. жүктеу/скачать 192,01 Kb. Достарыңызбен бөлісу:
|