қоғамның мұқтажын өтеуге, оның ақ-қарасын парықтау ға
арналған.
АЙТАЛЫ ,
Амангелді Әбдірахманұлы Айталы (1939) —
қазіргі қазақ философтарының бірі. Ресейдің Астрахан
облысы, Володар ауданы Болдырево селосында туып-өскен.
Гурьев (қазіргі Атырау) педогогика институтын (1964) және
ҚазМУ-дың (1968, қазіргі ҚазҰУ) аспирантурасын бітірген.
Философия ғылымдарының докторы (1996), профессор (1996),
ҚР Әлеуметтік ғылым академиясының академигі (1996).
Ақтөбе мемлекеттік университетінде аға оқытушы, декан, философия
кафедрасының меңгерушісі, проректоры (1968–99) қызметтерін атқарған.
100-ден астам ғылыми еңбектің авторы. ҚР Парламенті Мәжілісінің депутаты
(1999–2004) болды. «Парасат» (2001) және «Құрмет Белгісі» ордендерімен,
медальдармен марапатталған. Ақтөбе қаласының құрметті азаматы.
Шығармалары: «Ұлттану», -Алматы, 1999ж.
АЙДЫН ,
Мехмет Айдын (1943) — қазіргі заманғы мұсылман
әлемінің философы. Елазығ қаласында туған. 1966ж. Анкара
университетінің дінтану факультетін тамамдаған. 1972ж.
философия
бойынша
Эдинбург
университетіндегі
докторантураны аяқтап, Ататүрік университетінде қызмет
етеді. 1978ж. доцент, 1984ж. профессор атағын алады. Түркия
Республикасының мемлекеттік министрі. Оның дін және
философия салаларында түрік, ағылшын, араб және голланд тілдерінде
жазылған көптеген еңбектері бар.
Шығармалары: «Канттан кейінгі Батыс
философиясындағы этикалық және діни рационализм», «Кант және
практикалық ақылға сын», «Кант және рационалдық теологияға сын», «Батыс
философиясында жаңа кантшылдық», «Канттың ықпалдары», «Батыс діни-
этикалық философиядағы жаңа бағыттар және қазіргі кезең».
АКВИНСКИЙ ,
