Магниттік индукция векторы. Суперпозиция принципі. Био-Савар-Лаплас заңы

Магнит өрісі - қозғалыстағы зарядталған бөлшектердің арасында жүзеге асатын өзара әрекеттесу барысында көрініс беретін материяның айрықша түрі. Магнит өрісінің күштік сипаттамасы болатын физикалық векторлық шама магнит индукция векторы (В) деп аталады. Индукция векторының оң бағытына магнит өрісінде S оңтүстік полюстен N солтүстік полюске еркін бағдарланатын магнит тілшесінің бағыты қабылданған.

Егер магнит индукция векторы өткізгішке параллель болса, онда магнит өрісі тогы бар өткізгішке ешқандай әсерін тигізбейді, демек Ампер күші нөлге тең.

Магнит индукция сызықтарының бағыты – бұрғы ережесі немесе оң қол ережесімен анықталады.

Оң бұрғы ережесі: егер бұрғының ілгерілемелі қозғалысы токтың бағытымен сәйкес келсе, онда бұрғы тұтқасының айналу бағыты өрістің магниттік күш сызықтарының бағытын көрсетеді.

Оң қол ережесі (негізінен соленоид ішіндегі магнит өрісі сызықтарының бағытын анықтау үшін):

Егер оң қол бас бармағын өткізгіштегі токтың бағытымен бағыттаса, онда өткізгішті орай ұстаған төрт саусақтың бағыты магнит өрісі күш сызықтарының бағытын көрсетеді.