| 31.Қойдың жыбырлақ ауруының патогенезі. Қойдың жұқпалы энтеротоксемиясы немесе жыбырлақ (Enterotoxemia infectiosa ovium, инфекционная энтеротоксемия овец) – геморрагиялық энтеритпен, бүйректің зақымдануымен, жүйке жүйесінің қызметінің бұзылуымен, дененің жалпы улануымен ерекшеленетін, өте ауыр өтетін жұғымтал емес ауру. Қоздырушысы – Cl. perfringens микробының әр түрлі типтері: негізінен Bac.oritoxicus аталатын Д-типі, Bac.paludis аталатын С-типі.
CL.perfringens шөп қоректі жануарлардың ішегіндегі микрофлораның құрамына кіреді. Ішек зақымданса немесе оның моторикасы бұзылса, кенеттен малдың рационы өзгерсе, мысалы, жаңа көктеген шөпті көп жесе, клостридиялар қауырт көбейіп, ауру туғызады. Қоздырушының негізгі уыттылық факторы – оның бөліп шығаратын экзотоксиндері. Кейбір экзотоксиндер белсенді емес протоксиндер ретінде бөлінеді де, трипсин және басқа ферменттердің немесе басқа микробтардың синергетикалық әсерінен белсенді күйге түседі. Қанға өткен токсиндер үлпершек ағзалардың паренхимасын, орталық жүйке жүйесін зақымдап, жалпы организмді улайды.
Достарыңызбен бөлісу: |
