Фармацевтика өндірісінде судың қолданылуына келетін болсақ оны келесі заттарда қолданады: ішке және сыртқа қолдану үшін жасалған дәрілік ерітінділер;
көз тамшылары мен офтальмологиялық ерітінділер;
жаңа туған нәрестелер үшін дәрілік препараттар;
кейіннен стерильдеуге негізделген инъекциялық емес ерітінділер,
Ал егер дәрілік түрлерге арналған зарарсыздандыру қарастырылмаса, тазартылған стерильді су пайдаланылады.
Су санитария мен медицинада жуғыш зат ретінде де қолданылады. Емханалардың, ауруханалардың және медициналық мекемелердің күнделікті санитарлық тәжірибесінде беттерді, ыдыс-аяқ пен жабдықтарды жуу үшін кәдімгі ауыз су пайдаланылады. Медициналық ыдыстар мен жабдықтарды түпкілікті шаю үшін инфузиялық жабдықтар мен сыйымдылықтарды дайындаудың бастапқы сатыларында тазартылған су пайдаланылады.
Инъекцияға арналған су су тазалығының одан да жоғары өлшемдеріне сәйкес келеді. Инъекцияға арналған су тазалыққа жоғары талаптар қойылатын дәрілік формалардың негізі болып табылады, ол инъекциялық және инфузиялық препараттарды ерітуге қызмет етеді. Инъекцияға арналған су стерильдеу алдында медициналық ыдыстар мен жабдықтарды түпкілікті шаю үшін де пайдаланылады.
Жалпы дәрілік еріткіш ретінде судың артықшылықтары мен кемшіліктеріне тоқталып өтсем:
Фармакологиялық индифференттілік. Организмде жағымсыз әсерлер мен жағымсыз реакциялар туғызбайды.
Арзан және қол жетімділік. Тазартылған су мен инъекцияға арналған суды алу әдістері сынақтан өткізіліп, көп күш жұмсамай іс жүзінде жүзеге асырылады.
Көптеген дәрілік заттар үшін жақсы еріткіш. Су этанол, глицерин, димексид, ПЭО араласады. Майлы, минералды, эфир майларымен араласпайды.
Кейбір препараттардың гидролизінің жағымсыз процестері мүмкін.
Микроорганизмдердің көбеюі үшін қолайлы орта.
Егер бастапқы ауыз суда тұз көп болса, бұл факт тазартылған суды алуды қиындатады және табиғи суды алдын-ала тұзсыздандыруды қажет етеді.
