1.Кеңес дәуірі кезіндегі мектепке дейінгі тәрбиенің құрылу тарихы:Е.А.Аркин, Е.А.Флерина, А.П.Усова.
Мектепке дейінгі қоғамдық тәрбиені қалыптастыру мектепке дейінгі мекемелер жұмысының мазмұны мен әдісмтері мәселелерін жаңа міндеттерге сәйкес талдауды талап етеді. Кеңес дәуірде мектепке дейінгі педагогика проблемаларын талдауға Е.А. Аркин, Е. А. Флерина, А. П. Усова үлкен үлес қосты.
Ефим Аронович Аркин (1873 - 1948) негізгі назарды мектепке дейінгі педагогика проблемаларына аударды. Оның «Мектепке дейінгі шақ» деген іргелі еңбегі бес рет басылып шығарылды. Ол дене тәрбиесін дұрыс жолға қоюға, бала организмін нығайтуға, шынықтыруға үлкен маңыз берді. Алғашқы санаториялық балалар бақшасының бірінің балалардың денсаулығын жақсарту жөніндегі жұмыс тәжірибесін жинақтап, қорыта келіп, А. Е. Аркин балалардың таза ауада болуы, тамақтануды дұрыс ұйымдастыру, балалар ойындары, еңбек процестеріне қатысу факторлардың емдеу-тәрбие жұмысында орасан зор роль атқаратынын көрсетті. Оның «Дошкольное воспитание» және «Семья и школа» журналдарында жарияланған толып жатқан мақаллары педагогика мен гигиенаның, ойындар мен балалар еңбегінің алуан түрлі мәселелерін баяндады.
