1-cурет – Дж. Гилфорд субтесті
Төмендегі төрт суреттің қайсысы жоғарыдағы күйді дәл сипаттайды?
2-cурет – Дж. Гилфорд субтесті
Берілген мысалда төртінші сурет алғашқы берілген сезімдерді анықтайды.
Осыған ұқсас сұрақтар, тапсырмалардан тұратын Гилфорд тесті әлеуметтік интеллект дәрежесін сапалы анықтап бере алады. Бұл тестке сілтемені қосымша материалдар арасында таба аласыздар.
Әлеуметтік интеллектіні дамыту үшін арналған кеңестер:
Кинофильмдерді көрер кезде дауысын өшіріп, адамдардың түр-келбеті арқылы болып жатқан қарым-қатынасты түсінуге тырысыңыз. Бұл сіздерге эмоциялық күйлерді көзбен көріп, тануды үйретеді.
Дене қимылын түсініп, ым-ишара белгілеріне мән беруді үйреніңіз. Ол үшін Пол Экман, Алан Пиз кітаптарын оқып, зерттеп көрсеңіз болады.
Айна алдында сөз сөйлеп, өзіңіздің эмоциялық күйлеріңізді тануды үйреніңіз. Сырт көзбен бақылау жасап, көпшілік алдында сөз сөйлеу мәнерін жаттықтырыңыз.
Өзгені түсіну үшін, оны алдымен ести білу керек. Қарым-қатынас барысында алғашқы экспрессивті эмоцияларға жол бермей, алдымен басқалардың пікірін тыңдап алыңыз.
Әрбір адам үшін өзінің есімінен артық жағымды дыбыс жоқ. Айналаңыздағы адамдарға есімдерін атап сөйлер, жағдай сұрап, құрмет білдіруді үйреніңіз. Аз уақыт ішінде ол адамдар үшін Сізден артық жанашыр, мейірімді әрі мәдениетті адам болмайды.
Әлеуметтік табысыңыз өз қолыңызда!
Түпкі түйін:
Сонымен біз дәрісімізді қорытындылай келе келесі ойларды түйіндейміз:
1-қорытынды: Әлеуметтік интеллект дегеніміз адамдармен түсіну және өзара әрекеттесу қабілеті. Оны Ф.Е. Вернон, Дж.Гилфорд және М.Салливан секілді ғалымдар зерттеп, өз құрылымын берген.
2 қорытынды: Жалпы интеллект өміріміздегі 20% табыстылықты қамтамасыз ете алады,қалған 80% – әлеуметтік қабілеттерге байланысты.Яғни, қарым-қатынастағы біліктілік әлеуметтік өмірде зор табыстың негізгі шарты болып табылады.
Достарыңызбен бөлісу: |
