1. Негізгі түсініктер және анықтамалар Қысқа тұйықталудың пайда болу себептері
жүктеу/скачать 266,18 Kb.
|
Презентация ППвЭЭ Дәріс 1
Бір режімнен келесі режімге өту кезінде жүйе элементтерінің электрмагниттік жағдайы өзгереді де, генераторлар мен қозғалтқыштадың біліктерінің электрмагниттік және механикалық моменттерінің арасындағы теңгерім өзгереді. Жүйедегі өтпелі процесс электрмагниттік және механикалық өзгерістердің жиынтығымен сипатталады. Олар бір бірімен тығыз байланыста болады және біртұтас процесс болып есептеледі. Бірақ, іс жүзінде өтпелі процессті екі сатыға бөледі. Алғашқы сатыда айналмалы машиналардың үлкен инерциясының салдарынан электрмагниттік өзгерістер орын алады. Процесс секундтың бірнеше жүзден бір бөлігінен 0,1с.....0,2с дейін уақыт алады және электрмагниттік өтпелі процесс деп аталады. Екінші сатыда жүйенің механикалық қасиеттері сипат алады және процесске зор әсерін тигізеді. Бұл процесс электрмеханикалық өтпелі процесс деп аталады. Көп жағдайда апаттық өтпелі процесстің пайда болуының басты себебі ол қысқа тұйықталудың әсерінен. Қысқа тұйықталу – бұл фазалар арасындағы немесе фазамен жер арасындағы кенеттен болатын жағдай. Қысқа тұйықталу болған жерде электр доғасы пайда болады. Қысқа тұйықталу тогына доғаның әсері оның есептеуіне қиындық әкеледі. Доғаның кедергісінен басқа қысқа тұйықталуда өтпелі кедергі пайда болады, ол ластануды және оқшауламаның қалдықтарының және т.б. қалуына әсер етеді. Өтпелі кедергі мен доғаның кедергісі аз жағдайда бұларды ескермейді. Мұндай тұйықталу металдық қысқа тұйықталу деп аталады. Максимал мүмкін болатын қысқа тұйықталу токтары металдық қысқа тұйықталу үшін есептелді. Бейтарабы жерге тұйықталған электрлік жүйеде төрт қысқа тұйықталу түрі болады: (1.1 суретті қара). а) үш фазалық; б) екі фазалық; в) екі фазалық жерге тұйықталған, яғни жерге тұйықталған нүктенің екі фаза арасындағы бір уақытта тұйықталуы; г) бір фазалық. Үш фазалық қысқа тұйықталу симметриялық болып табылады, себебі барлық фазалар бірдей шартта болады. Ал қалған қысқа тұйықталулардың барлығы симметриялық емес, себебі фазалар бірдей шартта болмайды. 1.1 сурет жүктеу/скачать 266,18 Kb. Достарыңызбен бөлісу:
|