1-тоқсан батырлық жырлар, батырлар жыры
жүктеу/скачать 231,27 Kb.
|
7-сынып мәтіндер
| МЕН – ҚАЗАҚ
Мен – қазақ, қазақпын деп мақтанамын, Ұранға Алаш деген атты аламын. Сүйгенім қазақ өмірі, өзім қазақ, Мен неге қазақтықтан сақтанамын? Алтай, Ертіс, Сырдария, Есіл, Жайық, Арасан қоныс қылдым ірге жайып. Елім, жерім қорғайтын ерім болып, Ер жеттім ен далада лықа тойып. Ер Түрік ұрпағымын даңқы кеткен, Бір кезде Еуропаны тітіркенткен. Кіргені есік, шыққаны тесік болып, Күнбағыс, Күншығысқа әмірі жеткен. Кешегі хан Шыңғыстың ұрпағына, Талай царь, талай князь тәжім еткен. Мен қазақ, қазақпын деп мақтанмын, Ұранға Алаш деген атты аламын. Сүйдіріп жүрегімді тартқан менің, Сарыарқа, Сарыдала туған жерім. Көк күмбездің астында көк масаты, Сәулемен алтындаған сары белім. Кең дала, шаңсыз ауа, таза қоныс, Иісі аңқып бетім сүйген самал желім. Кіндік болып малменен жанды өсірген, Жаз жайлау, күзгі күзек қысқы тебін. Даламның мен сағынам бек пен ханын, Ел үшін аямайтын шыбын жанын. «Қайғысыз ұйқы ұйықтатып» Қайғырусыз жылқы бақтырып, Қалыңсыз қатын құштырып, Алашты «алаш» қылған сабаздарым. «Топтан торай шалдырмасқа, Қазақтың бір тайын кәпірге алдырмасқа. Бір түнде тоқсан ойланып, Тоғыз төңкерілетін....» Ел қорғаны ерімнің сүйем бәрін. Мен – қазақ, қазақпын деп мақтанамын, Ұранға Алаш деген атты аламын. Сүйгенім қазақ өмірі, өзім қазақ, Мен неге қазақтықтан сақтанамын? БІР АДАМҒА Бір үйде жиюлы екен қазына мал, Көрсетті бәрін бізге ақсақал шал: «Бұрынғы атамызға сыйға берген, Біздерде мынадай бар, мынадай бар!..» Ол рас, аталарың шенге алыпты, Арзан ғып, қымбат емес, кемге алыпты. Апыр - ай қалай бұлдаған сатқандарын, Оқа, түйме, сылдырлақ, теңге алыпты! Суреттер және көрдім жүзі жарқын, Ойладым: «Оңдырған - ау, баққан халқын». Соншама құны толық бұлды түйме, Артында қалдырмас па жақсы даңқын. Дедім мен: «Құтты болсын шекпеніңіз, Артқыға қандай егін еккеніңіз? Жусақ та денемізден кетер емес, Сондағы тұқым шашып сепкеніңіз». Көргенде күміс кесе, алтын аяқ, Бір сөзді тамағыма қойдым таяп. «Қай момынның малы бар бұл аяқта?» Демейінше болмады, қарап жай - ақ. Отырдым көрсем жекіп тастар ма деп, Шал айтты: «Көріңіздер жасқанба!» деп. Кесені қолыма алып қарай бердім, Ішінде нахақ көзден жас бар ма деп. ***** жүктеу/скачать 231,27 Kb. Достарыңызбен бөлісу:
|