Химиялық ыдыстар мен зертханалық құрал-жабдықтар: 50 0 мл, 250 мл стақандар; өлшегіш 25 мл цилиндрлер, шыны таяқша, ақ экран.
Жұмыс барысы Көлемі 500 мл стақанға темір (ІІІ) хлориді мен калий роданидінің (KSCN) сұйылтылған ерітінділерінің әрқайсысына 100 мл-ден құйып, шыны таяқшамен араластырыңдар. Нәтижесінде Fe(SCN)3 түзілгенін көрсететін қызыл түс пайда болады:
FeCI3+3KSCN=Fe(SCN)3+3KCI
Осы қызыл түсті ерітіндіні төрт стақанға теңдей бөліп құйыңдар. Оларды ақ экранның алдына қойыңдар. Бірінші стақандағы ерітіндіні салыстыруға қалдырыңдар. Екінші стақандағы 5 мл 1 М темір (ІІІ) хлориді ерітіндісін, үшіншісіне 5 мл 1М калий роданидінің ерітіндісін қосып, ерітінділерді жақсылап араластырыңдар. Екінші және үшінші стақандардағы ерітінділердің бояуының түсінің күшеюіне көңіл аударыңдар. Төртінші стақанға құрғақ калий хлориді кристалдарын қосып, араластырыңдар. Калий хлоридінің еру барысында стақандағы ерітіндінің түсі әлсірей бастайды.
Тапсырма. Тәжірибеде байқалған құбылыстарды түсіндіріп, тиісті қорытынды жасаңдар.
