Сутекті темір-булы әдіспен алу үшін 28-суреттегі құрылғыны жинаңдар. Түтікшелі пешті алдын-ала тоқ көзіне қосып қою керек. Диаметрі 2,5 см, ұзындығы 60-70 см темір
немесе кәрлен түтікшені темір ұнтақтарымен толтырыңдар. Ұнтақтарды пештің қыздыру аймағында болатындай етіп түтікшенің ортасына орналастырыңдар. Түтікті пешке орнатып,
оның екі жағын шыны түтікшесі бар тығынмен тығындаңдар. Құтыға (1) су құйып, оны қайнатыңдар. Ішінде темір ұнтақтары бар пештегі түтік (2) 7000С-қа дейін қызған кезде оған су буын жіберіңдер. Осы түтікшеден бөлінген газды судың астында 2-3 сынауыққа жинап алыңдар да, оның жануын тексеріңдер. Бұдан кейін су буын жіберуді тоқтатып, тоқты өшіріңдер. Реакция теңдеуін жазыңдар. Реакция нәтижесінде қандай өнімдер түзілуі мүмкін? Лабораторияда сутекті басқа қандай әдістер арқылы алуға болады? Олардың әрқайсысының артықшылығы мен кемшілігін көрсетіңдер. Сәйкес химиялық реакция теңдеулерін жазыңдар.
