3 – дәріс Математиканы оқыту әдістері мен формалары, қағидалары

Проблемалық жағдайды туғызатын міндеттер проблема немесе пролемалық міндет деп аталады. Проблемалық міндеттің белгілері:

• 
  проблемалық жағдайдың туындауы;
  
• 
  шешімін іздеуге деген ізденушінің қызығушылығы мен дайындығының айқындығы;
  
• 
  шешімді іздеудің әртүрлі бағыттылыға сәйкес шешім жолдарының біртұрғыда болмауы.
  

Ең алдымен проблема мен проблемалық міндетті ажырата алу керек.проблема кең ұғым, ол өзі жекелеген тізбектелген проблемалық міндеттердің жиынтығынан құралады. Проблемалық міндеттібір ғана міндеттен тұратын проблеманың дербес, қарапайым жағдайы деп қарастыруға болады. Мысалы, шаршыны қарастыру тақырыбында проблемалық жағдайды қарастыру. Бұл оқу міндетіне енгізілген бір проблемалық міндет шаршының қабырғаларының қасиеті.

Проблемалық оқыту оқушылардың шығармашылық әрекет пен оған деген қажеттілікке қабілетін дамытуды қалыптастыруға бағытталған. Проблемалық оқытуды оқу міндеттерінің құру үшін негіз дайындай отырып, мақсатты түрде проблемалық міндеттерден бастау керек.

Оқу проблемасының негізгі үш типі анықталған. Олар:

1. 
   Математикалау, математикалық сипаттау, математика ішінде, не одан тысқары туындаған жағдайлар мен міндеттерді математика тіліне аудару, яғни математикалық моделді құру проблемасы.
   
2. 
   Әртүрлі моделдер классын зерттеу проблесмасы, жаңа «кіші теорияларды» енгізу арқылы теориялық білімдер жүйесін әрі қарай дамыту бұл типтегі проблеманы шешудің нәтижесі деп қарастыруға болады.
   
3. 
   Жаңа жағдайға жаңа теориялық білімдерді қолдану, математикалық білімді жаңа объектілерді зерттеуге ауыстыру проблемасы.