Оқылым Жалпы ұпай: 5 8-сынып 1-тапсырма. Мәтінді оқып, астындағы тест тапсырмаларын орындаңыз. Жолбарыс пен тышқан Бір жолбарыс ұйықтап жатса, үстіне бір тышқан жорғалап шығып кетіпті. Оны жолбарыс ұстап алады. Сонда тышқан айтыпты:
- Ағатай, мені қоя беріңіз. Кім біледі, менің де сізге бір керегім боп қалар. Сонда жолбарыс: «Жесем, ас та болмайды, жөніне жіберейін» - деп, тышқанды қоя береді.
Әлгі тышқан баяғысынша жорғалап келе жатады. Кенет ол бір ақырған дауысты естиді. «Апырау, мынау жолбарыс қой. Үнінде бір ауырсыну бар сияқты ғой». Тышқан жорғалаған күйі солай қарай тартады. Сөйтсе, баяғы жолбарыс тұзаққа түсіп қалыпты. Жолбарысқа да жан керек, тышқанды көріп жылап жібереді.
- Ал, достым, бір амалын тауып, мені құтқар, - деп тышқанға жалыныпты. Сонда тышқан: «Асықпа, саған қарыз боп қалмаспын» - деп тұзақты тісімен кеміріп, қиып жібереді. Сөйтіп жолбарысты ажалдан құтқарды. Жолбарыс сол жолы біреуге жақсылық жасасаң, оның іссіз кетпейтінін алғаш түсініпті.
Мәтінге байланысты тест тапсырмалары: 1. Жолбарыс тышқанға қандай жақсылық жасады? а) дос тауып берді
ә) аштықтан аман алып қалды
б) жемей, жөніне жіберді
в) қонаққа шақырды
2. Мәтінде қандай антонимдер бар? а) жолбарыс, тышқан
ә) ұстап алады, қоя береді
б) көмек, жұмыс
в) жалын, құтқар
3. Мәтінге сәйкес мақалды белгілеңіз. а) Жақсының өзі өлгенмен, сөзі өлмейді.
ә) Жақсылық ұмытылмас.
б) Күлме досыңа, келер басыңа.
в) Заттың жаңасы жақсы, достың ескісі жақсы.
4. Мәтіндегі негізгі ой қандай? а) Бірге көтерген жүк жеңіл.
ә) Біреуге жасаған жақсылығың ізсіз қалмайды.
б) Бір–бірімізге көмектеспесек, қалайша дос боламыз?
в) Жолдасын тастаған жолда қалар.
