А. Р. Рустенов, Н. Ж. Елеугалиева генетика практикумы
жүктеу/скачать 4,96 Mb. Pdf көрінісі
|
| Пенетранттылық
- геннің фенотипте байқалуы. Толық пенетранттылықта геннің әсері барлық дарақтарда байқалады, ал толық емес пенетранттылықта – геннің фенотипке әсері барлық дараларда бірдей болмайды. Пенетранттылық – бұл күткен фенотип байқалатын даралар жиілігі, ал экспрессивтік – фенотиптің дарада байқалу дәрежесі. Пенетранттылық – сандық, экспрессивтік сапалық құбылыс. Бақылау сұрақтары 1. Егер даралық генотипі АаВвссДДЕе болып келсе, генетикалық тұрғыда әртүрлі неше гаметаның түзілуі мүмкін? 2. АаВвСс генотипі бар даралар будандастырылса олардың ұрпағында қанша түрлі фенотиптер алынуы мүмкін? 3. Өсімдікгердің генотипі АаВвссДд екендігі белгілі. Осындай өсімдік қанша түрлі гамета түзе алады? Барлық жұп аллельдер бойынша доминанттылық толық болады деп есептегенде өздігінен тозанданған кезде аталған өсімдіктің ұрпағында қанша түрлі фенотиптердің болуы мүмкін? 4. Берілген геннің әртүрлі аллельдерінің саны төртеу, бесеу, жетеу болып келген жағдайда барлық генотиптердің неше бөлігі гомозиготалылардың үлесіне тиеді? 5. Доминанттылық болмаған жағдайда фенотиптердің негізінде генотиптерді анықтау үшін анализдеуші немесе қайыра будандастыру қолданыла ма? 6. Көп аллельділік дегеніміз не? 7. Тиісті генетикалық символдарды қолдана отырып ата-анасының екеуі де гетерозиготалы соның ішінде, әкесінің қан тобы А, ал шешесінікі - В болып келетін балалардың болуы мүмкін деген қан топтарын көрсетіңіз. 8. Егер гетерозиготалы ата-ана (әкесінің қан тобы - В, ал шешесінікі - А) дүниеге әр жұмыртқалық егіздерді әкелген жағдайда екі баланың да қандары А тобына жату мүмкіндігі қандай болар еді? 9. Агути үй қоянын шиншилла үй қоянымен будандастырғанда алынған ұрпақ агути болған. Ғ 1 -дегі агутиді альбинос үй қояндарымен будандастырғанда алынатын ұрпақтың фенотиптері мен генотиптері қандай болуы мүмкін? |