келгендердің мойындарына бұғаулар жасадық. Оларға істегендерінің ғана жазасы беріледі» 1 , – деген
2
.
4) Кәпір мен шайтанның арасындағы айтыс-тартыс туралы
Аллаһ тағала: «Жанындағы(періште): «Міне, мендегі (амал
дәптері) дайын», – дейді. «Бүкіл қасарысқан кәпірді тозаққа салыңдар. Жақсылыққа тыйым салушыны, шектен шығушы мен күмәнданушыны. Бұлар сондай Аллаһпен бірге құдай жасап алған. Енді оны қатты азапқа салыңдар!» – (делінеді). Оның сыбайласы (шайтан): «Раббым! Оны мен азғырмадым. Дегенмен өзі де ұзақ адасуда еді», – дейді. (Аллаһ): «Менің алдымда тартыспаңдар. Сендерге алдын ала уәдені білдірген едім. Менің алдымда сөз ауыстырылмайды. Сондай-ақ құлдарға әділетсіздік істемеймін», – дейді» 3 , – деген.
5) Кәпір адам мен оның дене мүшелері арасындағы айтыс
туралы Аллаһ тағала: «Сол күні Аллаһтың дұшпандары тозаққа айдалуға жиналып, сонда олар алды-артын тосады. Ақыры олар Оған барған кезде оларға құлақтары, көздері және терілері олардың не істегеніне айғақ болады. Олар терілеріне: «Не үшін бізге куә болдыңдар?» – дейді. (Терілері): «Барлық нәрсені сөйлеткен Аллаһ бізді де сөйлетті. Ол сендерді алғаш рет жаратқан және сол жаққа қайтарыласыңдар», – деп жауап береді» 4 , – деген.
Бұл жағдай кәпір өзінің тозаққа түсетініне анық көзі жеткенде
қарсы шығып, күнәкар болғанын мойындамайтын кезінде
көрінеді. Кәпір өзіне қарсы періштелер, пайғамбарлар мен ізгі
адамдар куәлік берсе де, істеген күнәларын мойындамайды.
1
«Сәбә» сүресі, 31-33 аяттар.
2
Осы мағынадағы келесі аяттарды да қараңыз: «Сад» сүресі, 55-64
аяттар, «Анкабут» сүресі, 12-13 аяттар.
3
«Қаф» сүресі, 23-29 аяттар.
4
«Фуссиләт» сүресі, 19-21 аяттар.
