Университетіміздегі кез келген студентке салауатты өмір салтын ұстана отырып, өзінің спортпен айналысуына толық жағдай жасалған. Оның ішінде волейбол, баскетбол, шахмат, теннис, футбол, жеңіл атлетика, ауыр атлетика тағы басқа көптеген спорттық үйірмелер құрылған. Мұндай салауатты өмір салтын сақтауға арналған арнайы спорт кешені, футбол алаңы, жаттығу залдары т.б. орындар бар. Бұл орындар студенттердің уақытты тиімділігін дұрыс пайдалануы үшінді маңызды болып саналады.
Сондай – ақ кафедраның өз салауатты өмір салтын сақтау ұстанымдары бар. Кафедра профессоры а/ш.ғ.д. Е.Ү Жамалбеков университеттің спорт кешенінде цигун гимнастикасымен шұғылданады, ал кафедраның аға оқытушысы Ә.Т. Мылқайдаров шахматтан факультет құрамасының мүшесі. Сонымен қатар, студенттер де университеттің спорттық өміріне белсене қатысады. Атап айтар болсақ «5В060900-География» мамандығының 1 курс студенті Ильясова Перизат самбо күресі бойынша ҚазҰУ құрамасының мүшесі. Аманқұлова Альмира 25 – 30 сәуір аралығында футболдан ҚазҰУ құрамасы сапында Қазақстан Республикасы Тәуелсіздігінің 20 жылдығына орай Оңтүстік Қазақстан Мемлекеттік Университетінің ұйымдастыруымен өткен VI жазғы универсиадаға қатысты.
