62. Мәскеу түбінде генерал-майор И. В. Панфилов қолбасшылық еткен даңқты 316-атқыштар дивизиясы ерлікпен шайқасты.
63. Мәскеу түбінде шайқаста көрсеткен ерлігі үшін 316-атқыштар дивизиясы 8-гвардиялық дивизия болып қайта құрылып, Қызыл Ту орденімен марапатталды. Жауынгерлердің өтініші бойынша дивизия И.В.Панфиловтың есімімен аталатын болды.
64. Қазақстанда құрылған әскер бөлімшелерінің үштен бірі Ленинград түбінде соғысты.
65. Балтық флотындағы қызыл тулы «Киров» крейсерінде ғана 156 қазақстандық жауынгерлік сапта тұрды.
66. Қазақстан Сталинград облысымен 500 шақырым бойына шекаралас жатқан еді.
67. Батысқазақстандықтар Сайхын мен Ордада әскери әуежайлар құрылысына жұмылдырылды.
68. Ақтөбе облысының кейбір аудандарында қорғаныс құрылыстары салынды.
69. Жапондарға қарсы шайқастарда Ақтөбеде құрылған 74-жеке теңіз атқыштар бригадасының негізінде ұйымдастырылған 292-атқыштар дивизиясының жауынгерлері Кеңес Қарулы Күштері дәстүрінің даңқын шығарды.
70. Мәскеу түбінде ауыр шайқастар жүріп жатқан кездің өзінде-ақ Шымкент теміржол торабының комсомолдары «Қазақстан комсомолы» танк колоннасына қаржы жинап берді.
