Білім беруді дамытудың инновациялық орталығы
Сіздерді 2022 жылғы 21 желтоқсан күні ZOOM платформасында
онлайн форматта өтетін «Кәсіби ынтымақтастық үдерісіндегі тиімді педагогикалық практика» республикалық телекөпір - смарт форумына қатысуға шақырады
Павлодар, 2022
«Кәсіби ынтымақтастық үдерісіндегі тиімді педагогикалық практика»
Жалпы ережелер «Кәсіби ынтымақтастық үдерісіндегі тиімді педагогикалық практика» республикалық смарт форумын (бұдан әрі-Форум) Павлодар облысының Білім беруді дамытудың инновациялық орталығы (бұдан әрі-ББДИО) өткізеді.
Форум жасалған меморандумдар шеңберінде өзара іс-қимыл мен кәсіби ынтымақтастықты дамытуға бағытталған.
Форумның мақсаттары мен міндеттері Заманауи мектепті жаңарту, заманауи педагогикалық және білім беру технологияларын, әдістері мен тәсілдерін қолдану арқылы білім беру сапасын арттыру үшін тиімді білім беру практикасы мен технологияларын іздеу және ілгерілету;
Қазіргі мұғалімнің жұмысындағы қиындықтарды және оларды жеңу мүмкіндіктерін анықтау;
Инновациялық қызметтің мазмұндық және әдістемелік аспектілері бойынша конференцияға қатысушылар арасында қарқынды ақпараттық алмасу үшін бірыңғай коммуникативтік алаң құру.
Форум жұмысының бағыттары Пікірталас алаңдарының ұсынылатын бағыттары педагогикалық жұртшылықтың мүдделерін алдын ала мониторингтеу және заманауи мектеп қызметінің өзекті мәселелерін іріктеу негізінде айқындалған:
- Білім беру ортасын дамытуды педагогикалық басқарудың әдістемелік құралдары.
- Білім беру ұйымдарының желілік өзара іс-қимылы-табыс факторы.
- Білім берудегі көшбасшылықты қалыптастыру: мансапты дамыту және педагогтің кәсіби өсуін жобалау (педагогикалық дизайн).
- ХХІ ғасыр сабағының моделі (педагогикалық дизайн).
3.2. Жоғарыда ұсынылған пікірталас алаңдарының жұмысына мектепке дейінгі, жалпы орта білім беру ұйымдарының басшылары, басшының орынбасарлары, педагогтері қатыса алады.
