7-Тема: Класстан тышкаркы иштерди жүргүзүүдө окуучуларга адептик тарбия берүү жумуштарында кыргыз элдик оозеки чыгармаларын колдонуунун келечектүү багыттары
Планы:
1. Учурдагы тарбиялоо процессине этнопедагогикалык ой жүгүртүүнүн проблемалары.
2. V-VIII класс окуучуларын элдин адептүүлүк идеалдары менен тааныштыруудагы “адеп” жана “кыргыз тили жана адабияты” мугалиминин негизги милдеттери.
3. Элдик педагогиканын адептүүлүк идеалдарынын негизинде V-VIII класс окуучуларын адептик тарбия берүүнүн өзгөчөлүктөрү.
4. Элдик педагогиканын адептүүлүк идеалдарын V-VIII класс окуучуларына адептик тарбия берүүдө колдонуу проблемалары боюнча мугалимдин өз билимин өркүндөтүүсү.
Методикалык көрсөтмөлөр
Алгач учурдагы мектептерде элдик педагогиканын адептүүлүк идеалдарын колдонуу проблемаларын чагылдырган окумуштуу-педагогдордун эмгектери менен кеңири тааныштыруу максатка ылайыктуу. Экинчи суроону ачууда элдик педагогиканын адептүүлүк идеалдарын адептик тарбиялоо максатында ийгиликтүү колдонууга мүмкүндүк берүүчү предмет катары кыргыз тили жана адабияты сабактарын өтүүдөгү мугалимдин ишмердиктери талданат.
Элдик педагогиканын адептүүлүк идеалдарын класста тышкаркы жумуштарда колдонуунун мүмкүн болгон жолдорун тактоо максатында орто мектептердин тажрыйбалуу мугалимдеринин класстан тышкаркы тарбиялык жумуштарынын пландары үйрөнүлөт. Мында негизги көңүл элдик педагогиканын адептүүлүк идеалдарын мектепте жана үй-бүлөдө эффективдүү колдонуу, мугалимден бул жааттагы өзүн-өзү өркүндөтүүнүн билгичтиктеринин, навыктарынын талап кыларына б.а. мугалим элдик педагогиканын негизги булактары (этнопедагогикалык, этнографиялык адабияттар, эл массасынын жандуу тарбиялоо тажрыйбалары) менен иштөөнүн билгичтиктерине, навыктарына ээ болууга милдеттүү экендигине бурулат.
Достарыңызбен бөлісу: | 
