ІІ кезең. Операциялық – орындаушылық кезең

Бұл кезеңде оқу міндеттері шешіліп, дəстүрлі оқытудағыдай жаңа сабақ түсіндірілмейді. 

Бұл кезеңде барлық тапсырма – сабақ проблемасы шешіледі.

 

ІІІ кезең. Рефлексиялық – бағалау кезең

Бұл кезеңде студенттер тарапынан «Бүгін мен не үйрендім?» деген сұрақтың түйіні ізде-

леді. Бұл кезеңде оларға сабақ тақырыбына байланысты жалпылама сұрақтар беріледі. Бұл 

құбылыс  өз-өзіне  есеп  беру,  кезеңдерді  меңгергенін  түсіну,  ережелерді  түйіндей  білуімен 

айқындалады. Өзін-өзі қорытынды бағалау жүргізіледі. Оқыту технологиясында студенттің 

өзін-өзі  бағалауы  міндетті  түрде  керек.  Олардың  өзін-өзі  бағалауы  мен  өзін-өзі  басқаруы, 

өзін-өзі түзетуі – бір-бірімен тығыз байланысты үрдістер. Мұндай өзіндік əрекеттерге үйре-

туде қарапайым сатыдан жоғарыға, одан күрделі сатыға қарай дамиды. Осылайша студенттің 

белсенді таным əрекетіне байланысты өздігінен жұмыс істеуі оның қажетіне айналады. (өзді-

гінен білім алу, өзін-өзі басқару, бағалау сияқты əрекет дəрежесіне көтеріледі.)

Үйге тапсырма беру үш деңгейден тұрады.

Репродуктивті (бағдарламалық материалды білу жəне орындай білу.)

Шығармашылық білімді меңгеру, модельдеу тапсырмасы.

Алған білім бойынша шығармашылық тапсырма.

Дамыта оқыту – оқытушы мен студент арасындағы ерекше қарым-қатынас. Бұл орайда 

оқытушы – дайын білімді түсіндіріп қоюшы, бақылаушы, бағалаушы емес, танымдық іс-əре-

кетті ұйымдастыратын ұжымдық істердің ұйытқысы. Тек осындай оқыту ғана студент интел-

лектісінің көзін ашып, шығармашылығын дамытады.