Қазақ әдебиетін оқыту әдістемесі соөЖ 6 Тақырыбы
жүктеу/скачать 67,77 Kb.
|
- Бұл бет үшін навигация:
- 6В017 - "Қазақ тілі мен әдебиеті" мамандығы
- Қазақ әдебиеті пәнінде қолданылатын әдістерге қойылатын талаптар
| Филология институты
Академик С.Қирабаев атындағы қазақ тілі мен әдебиеті кафедрасы Қазақ әдебиетін оқыту әдістемесі СӨЖ 6 Тақырыбы: Қазақстан Республикасының білім беру мазмұнын жаңарту аясында мұғалімге арналған нұсқаулық. «Назарбаев Зияткерлік мектептері» ДББҰ, 2016 ж Нұсқаулық бойынша әдістерді жүйелеу.
3 курс 309-топ Орындаған: Дүйсен Динара Алматы 2022 «Қазақ тілі» және «Қазақ әдебиеті» пәндерінің мұғалімдері оқушыларды өздігінен білім алуға, шешім қабылдауға қабілетті ынталы, қызығушылығы жоғары, өзіне сенімді, жауапкершілігі жоғары, өзінің және өзгенің іс-әрекетіне талдау жасай алатын жеке тұлғаны қалыптастыруға бағытталған қағиданы ұстанады. Мұғалімдер оқушылардың бойында бұл қасиеттерді әртүрлі оқыту тәсілдерін қолдану арқылы тәрбиелейді және дамытады: • сенімді қатынас пен ынтымақтастық ахуалын қалыптастыру үшін жағдай жасау; • әрбір оқушының жеке пікірін тыңдау және алынған білімдер мен түсініктерді қолдану мен оларды дамыту маңыздылығына мән беру; • іс-әрекеттердің белсенді түрлерін ұйымдастыру және тиянақты сараланған тапсырмалар мен жаттығулар арқылы ынталандыру және дамыта оқыту; • оқушылардың сабақта зерттеу жұмыстарын жүргізуін қажет ететін проблемалық жағдаяттар туындату және проблемаларды шешу стратегияларын модельдеу және көрсету; • «оқу үшін бағалауды» қолдану арқылы оқушылардың оқуына қолдау көрсету; • белсенді оқуға және зерттеу жобаларын орындауға негізделген оқушылардың зерттеу іс-әрекеттерін қолдау; • оқушылардың сын тұрғысынан ойлау дағдыларын дамыту; • өз ойын жеткізе білу және дәлелдер келтіре алу, мәселелерді анықтау үшін өз пікірлерін жеткізу, болжам құру және ұсыныс жасау қабілетін дамытуға ынталандыратын жағдайлар жасау; • оқушылардың жеке мүмкіндіктерін және жас ерекшеліктерін есепке ала отырып, сараланған тапсырмалар әзірлеу; • жеке, жұптық, топтық және ұжымдық оқыту әдістері белсенді қолданылатын жалпы сыныптық жұмыс түрлерін ұйымдастыру. Қазақ әдебиеті пәнінде қолданылатын әдістерге қойылатын талаптар: 1) Оқушылар оқу үдерісіне белсене қатысады. Олар білімдерін бағалап, өздері ұсынған қорытындыларының дәлелдерін ұсынуы және бір-біріне сын тұрғысынан қарауы тиіс. 2) Мұғалімдер оқушыларға бағытталған және дәлелдерді құру мен талдауға арналған рөлдік модельдер ретінде әрекет ететін оқыту тәсілдерін қолданулары керек. 3) Оқу бағдарламасы проблемаларды шешудің тәсілдерін қамтуы тиіс. 4) Оқушылар мен мұғалімдер пікірлерді бағалауда білікті болуы керек және оқушыларды тек жазбаша тестілеу бойынша ғана бағалауға болмайды. 5) Оқушылар өздерінің алған білімдерін қолдана алуы және білімдердің қалай алынғанын талдай білуі тиіс. 6) Оқушыларға диалогке және бірлескен оқуға қатысуға мүмкіндік беру керек. жүктеу/скачать 67,77 Kb. Достарыңызбен бөлісу:
|