Мұғалім жаңа сабаққа кіріспе ретінде оқушыларға интерактивті тақтадан Алматыдағы және Нұр-Сұлтан қаласындағы зәулім ғимараттардың, көрікті жерлердің суретін көрсетеді. (Медеу мұзайдыны, Шымбұлақ, Метро, «Бәйтерек» монументі, «Думан» ойын-сауық орталығы, Конгресс холл т.б.) Оқушылар қай ғимараттың қай қалада орналасқандығын айтады. Бұл тапсырманы орындау үшін «Адасқан ғимараттар» ойынын ойнайды. Оқушылар ойынның шарты бойынша жылдам екі қалаға тән ғимараттарды орналастыруы керек. Ойынды оқушыларды топқа бөліп жүргізуге болады. Мұғалім оқушыларға бүгінгі сабақтың тақырыбын болжатады. Оқушылар сабақтың тақырыбын болжайды.
