65
Оқу мақсаты
9.3.3.1. Прозалық және поэзиялық шығармалардағы
автордың ойы мен көтерілген мәселені анықтап, оқырманға
әсерін бағалау
Бағалау критерийлері
Білім алушы:
Прозалық, поэзиялық шығармалардағы автор ойы мен
көтерілген мәселені анықтайды, пікір білдіреді
Ойлау дағдыларының
деңгейі
Қолдану
Тапсырма
1. Өлеңді оқып, көтерілген бір мәселені анықтаңыз. Мәселеге қатысты 1 ашық сұрақ
құрастырыңыз.
Абай «Адамның кейбір кездері»
Адамның кейбір кездері
Көңілде алаң басылса,
Тәңірінің берген өнері
Көк бұлттан ашылса.
Сылдырлап өңкей келісім
Тас бұлақтың суындай,
Кірлеген жүрек өз ішін
Тұра алмас әсте жуынбай.
Тәңірінің күні жарқырап,
Ұйқыдан көңіл ашар көз.
Қуатты ойдан бас құрап,
Еркеленіп шығар сөз.
Сонда ақын белін буынып,
Алды-артына қаранар.
Дүние кірін жуынып,
Көрініп ойға сөз салар.
Қыранша қарап қырымға,
Мұң мен зарды қолға алар.
Кектеніп надан, зұлымға,
Шиыршық атар, толғанар.
Әділет пен ақылға
Сынатып көрген-білгенін,
Білдірсе алыс-жақынға
Солардың сөйле дегенін.
Ызалы жүрек, долы қол,
Улы сия, ащы тіл
Не жазып кетсе, жайы сол,
Жек көрсеңдер, өзің біл.
Достарыңызбен бөлісу: