ҚазаҚстан мұсылмандары діни басҚармасы АллАғА мАдАқ (таңдаулы діни өлеңдер) алматы, 2010
жүктеу/скачать 2,13 Mb. Pdf көрінісі
|
| Өтеген Күмісбаев,
Алматы қаласы. мҰХАммЕд ПАЙғАмбАР (с.ғ.с) Ақша бұлтты төбемде ойнақтаған, Пайғамбардың жүзі деп ойлап қалам. Мұхаммедтегі ізгіні сағынасың, Алай-дүлей заманда ой қаптаған. Жамандыққа жамандық жасамаған, Жүректерге жол тапқан жасанбаған. Адамзаттың тұтқасы ардақ тұтқан, Дана ізгіден дұшпандар аса алмаған. Теңіздей терең жатқан болмысы кең, Ғаламның рахым нұры сол кісімен. Көптен күткен шұғыла жүзі раушан, Екі әлемге Шамшырақ үлгісімен. Баршамызға мақтаныш күндей күлген, Екі әлемнің Сардары суды тілген. Хақ дінімен дүниені нұрға бөлеп, Жүректердің Сұлтаны бола білген. Пенде біткен қараған ұрланып бір, Жарқыраған ақ жүзі нұрланып тұр. Жаратушының жаршысы мәртебелі, Жаңа піскен егіндей ырғалып тұр. Үмметіне тағдырын өнеге еткен, Алла елшісі бағбандай өмір еккен. Күншілдер, кекшілдердің іші қайнап, Оларды тезге салып еңіреткен. 88 Аллаға мадақ Әлемге арнап өткен махаббатын, Жарымжан мен жарлыға шапағатын. Мақсатына жеткізген мүсәпірді, Аяттарға арнаған әр сағатын. Ол бейне пайғамбардың дүлдүлі еді, Аллаһ нұрын таратқан бұлбұлы еді. Жан сарайы шырақпен шырайланды, Құранмен қуаттанған күн білегі. Ол әуелде ерекше жаратылған, Ананың құрсағынан дара туған. Хикметтің тағына отырды ол, Жер жаһанға сәуле боп таратылған. Шалқып өмір сүруді қаламаған, Жан түгіл жәндікті де қанамаған. Аштықтың да азабын тартқан кісі, Құл пайғамбар менмін деп алаңдаған. Мекке халқы бағынған ұйып бірден, Түбегейлі мақсатын түйіп берген. Бейбіт жолды қалаған Хақ пайғамбар, Түйе мініп басын ол иіп кірген. Адамзат тарихының заңғар шыңы, Ықыласпен көрінген барлық шыны. Жан жүрегі таныды Жаратқанды, Жүрген жолы хикмет, нұрдың тыңы. Рас сөйле, орында уәдеңді, Кішірейіп кетпейсің бұдан енді. 89 Таңдаулы діни өлеңдер Көздеріңді салмаңдар харам жаққа, Шектен ассаң кешірмес Құдай енді. Жасымнан сені ойлап қиялдадым, Алыстау көрінетін қиян бағым. Көргенде қарапайым қабіріңді, Көзімнен аққан жасты тия алмадым. |