233
Білім берудің басты ұстанымдарының бірі – мектеп оқушыларына кәсіптік
бағдар беру, олардың өздерінің ішкі әлеуетін анықтауға ықпал ету, сонымен
қатар, білік мақсатына байыппен қарауға әсер етеді, терең білім алуға, тәрбиелі
болуға өз үлесін қосады.
Кәсіптік бағдар беру жұмыстарының формалары
Кәсіби бағдар беру – жас ұрпақты өзіне ұнаған тиісті мамандықты саналы
таңдауға бағытталған іс-әрекет. Кәсіби бағдар беру арқылы тәрбиеленушілерді
мамандықтар әлемінде, олардың мазмұны, ерекшеліктері, жеке тұлғаға қоятын
талаптарын өз бойындағы қасиеттерімен ұштастырып, өндіріс, шаруашылық
салаларының даму міндеттеріне, оның нарықтық экономика жағдайындағы
рөліне сай, саналы таңдалып алынған мамандыққа мүдделілігін тәрбиелеуді
қажет етеді.
Кәсіптік бағдар беру бағдарламасы үш деңгейде жүзеге асады. Кәсіптік
бағдар беру бағдарламасын жүзеге асыру үшін әлеуметтік-психологиялық
қызмет көрсету орталығы болуы керек, оларға қажет мамандар: психолог,
әлеуметтік педагог және қосымша білім беретін педагогтар. Қызмет көрсету
орталығының сандық құрамы кәсіптік бағдар берудің нақты бағытына
байланысты болады.
Кәсіптік бағдар беру деңгейлері 77-суретте ашылды.
Сурет-77. Кәсіптік бағдар беру деңгейлері
Кәсіптік бағдар беру жөнінде іс-шаралар жүргізілгеннен соң, олардың
тиімділігін тексеру жұмыстары жүргізіледі. Оның ішіндегі бірінші әдіс –
диагностика.
Диагностика – бұл обьектінің жағдайын көрсететін белгілерді меңгеруі,
оның ауытқушылықтары мен қателіктерді түзеу немесе алдын алу жұмыстарын
атқаруы.
Диагностикалық әдістердің кәсіптік бағдар берудің тиімділігін анықтауда
қолданылатын әдісі – бақылау.
Достарыңызбен бөлісу: 
