Б.Момышұлының сенімді жолдастарының сипаты.( «Москва үшін

Б.Момышұлы батальон командирі бола жүріп, қарамағындағы жауынгерлерін темірдей тәртіпке, солдаттың командирге бағынуын, тапсырманы бұлжытпай орындалуын талап ете отырып, оларда әскери қағиданың фундаментін қалады. Осындай басшының бұйрығын бұлжытпай орындаған солдаттары барлық қиын қыстау кезеңде өздерін аман алып қалып, жеңіске жетіп отырды. Өз командирлерін екінші әкесіндей аялап, оны орыстары «Батька» деп, қазақтары «Ақсақал» деп атап кетуінің себебі сондықтан. Соғыс кезінде солдатты солдат етіп тәрбиелеп шығаратын- соғыс. Бірақ дымды көрмеген солдат өз-өзінен қылаптаса алмайды ғой.Сондайда оған басшылық жасап дұрыс жол көрсетіп отыратын, тәрбиелейтін, білікті басшы керек. Сондай басшы бола білген Б.Момышұлының, жанында кемеңгер басшы болуына септігі тиген сенімді серіктері де болды. Олар соғыстағы кезеңдеріне қарай әр түрлі, әрі көп болды.Біз «Москва үшін шайқас» романындағы сондай серіктеріне тоқталайық. Олар: ақылды, сабырлы, көп білетін аға лейтенант Хабибулла Рахимов, кіші лейтенант, кейіннен Б.Момышұлының өзінің тағайындауымен батальон командирі, кезінде «Социалистк Қазақстан» газетінде жұмыс істеген Мұхаметқұл Исламқұлов, ақ көңіл, қазақы жайдары мінезді политрук-командир Жолмұхамед Бозжанов т.б.

Оқушыларға осы аталған кейіпкерлердің ерекше мінездерін ашатын оқиғалы жерлерін кітаптан тауып оқып, «Ер мінезі» немесе «Асыл дос» тақырыбында шағын эссе жазып келутапсырылады.