Қазастан республикасы білім және ғылым министрлігі

«Психология және дефектология» кафедрасының мәжілісінде (Хаттама №__, «___» _____ 2017ж.) және Дене тәрбиесі және спорт факультетінің әдістемелік комиссиясы қарап (Хаттама №___, «___» ____2017 ж.), баспаға ұсынды.

М.О.Әуезов атындағы ОҚМУ-нің әдістемелік кеңесі баспаға ұсынды, Хаттама №__, « » _____ 2017 ж.

© М.О.Әуезов атындағы Оңтүстік Қазақстан Мемлекетттік университеті, 2017 ж.

Гуманизацияның қоғамдағы қажетті шарты - инклюзивті білім беру болып табылады. Инклюзивті білім беру «барлық балалар әртүрлі оқытуды қажет ететін тұлға болып табылады» - деген ұстанымға бағытталған әдіснаманы дамытуға ұмтылады. Білім беруде түрлі қажеттіліктерді қанағаттандыратын үйрету мен сабақ беру тәсілінің ұтымдысын өңдеп шығаруға инклюзивті білім беру бар күшін салуда.

Қазақстанда инклюзивті білім берудің алғашқы қадамдары жасалып жатыр. Инклюзивті білім беру жүйесін дамыту - 2011-2020 жылдардағы ҚР Мемлекеттік білім беру бағдарламасының басым бағытының бірі. Сондай-ақ мүмкіндігі шектеулі балалардың сапалы білім алуы туралы Қазақстан Республикасының заңнамасында бекітілген.

Олай болса, инклюзия – кез-келген тұлғалардың білім беру ұйымдарында білім алуын қамтамасыз ететін, бүкіл оқушылардың баламалы мақсаттары қойылған оқу үрдісін қалыптастыратын, әр оқушыны қолдауға, олардың мейлінше әлеуетін ашуға арналған түрлі кедергілерді жоюға бағытталған үрдіс.