«Қазақстан республикасындағы сот сараптамасы: Ұйымдастырылуы және өндірісі»
жүктеу/скачать 1,08 Mb.
|
treatise8925
- Бұл бет үшін навигация:
- Идентификациялық
| Оқ-дәрілердің сот сараптамасы – іс материалдарында оқиға болған жерден немесе өзге де тергеу әрекеттерінің нәтижесінде алынған оқ, гильза, пыждар, патрондар болған кезде және соларға қатысты фактілерді анықтау қажет болған кезде тағайындалады.
Оқ-дәрілерді анықтауға қатысты сот сараптамасының классификациялық міндеттерді шешу үшін келесі сұрақтар қойылады, олар: оқиға болған жерден алынған оқ қандай атыс қаруынан атылған ? сараптамаға ұсынылған оқ (гильза) атылған ату қаруының жүйесі (моделі, үлгісі) қандай ? оқиға болған жерден немесе сезіктіден алынған патрондар бір немесе әр түрлі зауытта дайындалған ба ? Аталған сараптама диагностикалық және ситуациялық міндеттерді шешуге бағытталған сұрақтарды шешеді, олар: зерттеуге ұсынылған патронның (гильза, оқ) үлгілері аталған қарудан атуға жарамды ма ? оқ (гильза) қолмен жасалған ату қаруынан атылған жоқ па ? аталған патрондар немесе оның жезінің жеке компоненттері: оқтар, гильзалар т.с.с. қандай әдіспен дайындалған ? патрон қандай дәрімен жабдықталған ? Идентификациялық міндеттерді шешу үшін, оқ-дәрілерді зерттеу сараптамасы бойынша келесі сұрақтар қойылады: оқиға болған жерде және сезіктіден алынған бытыра (картечь) бір массаны құрайды ма ? салыстырып отырған патрондар өзінің снарядталу мазмұны бойынша бір массаға жатады ма ? Н. есімді тұлғаның мәйітінен және сезіктіден алынған бытыра (картечь) өзінің дайындалу тәсілі және сақталу жағдайы бойынша бір массаны құрайды ма ? оқиға болған жерден тәркіленген және айыпталушыдан алынған пыждар (төсеме, бытыра) ұсынылған саймандар арқылы дайындалған жоқ па ? оқиға болған жерден және айыпталушыдан алынған патрондар бір құралмен жабдықталған жоқ па ? оқиға болған жерден және айыпталушыдан алынған пыждар (төсеме, бытыра) бір материалдан жасалған жоқ па ? оқиға болған жерден алынған оқтар айыпталушыдан алынған нақты формамен жасалған жоқ па (форманың мазмұнын және кімнен алынғанын көрсету керек) ? аталған қағаз пыж оқиға болған жерден алынған қағаздан, газет бетінен (басқа да материалдан) жасалған жоқ па ? әр түрлі оқиға болған жерден алынған оқтар (гильзалар) бір қарудан атылған жоқ па ? Егер іс бойынша тергеуші оқтар, гильзалардан басқа оқиға болған жерден немесе өзге де тергеу әрекеттерінің нәтижесінен ату қаруын тапса, сараптама алдына сұрақтар өзгеше редакцияда қойылады, олар: оқиға болған жерден алынған оқтар мен гильзалар аталған ату қаруынан атылған ба (жүйені, номерді, кіммнен алынғаны көрсету керек) ? мәйіттің (жәбірленушінің) денесінен алынған оқтар аталған ату қаруынан алынған ба (жүйені, номерді, кіммнен алынғанын көрсету керек) ? жүктеу/скачать 1,08 Mb. Достарыңызбен бөлісу:
|