жәбірленушінің жарасынан табылған металлдың бөлшектері сезіктіден алынған заттың (фин пышағы, кастет т.с.с.) бөлшектері болып табылады ма ?
салыстырылып отырған заттар (фин пышағы, кастет т.с.с.) мен сезіктіден алынған заттың жасалу әдісі (дайындау зауыты) мен шығу тегіне қатысты ортақ белгілері бар ма ?
нақты пышақтың тұтқасы сезіктіден алынған металл мен құймадан жасалған жоқ па ? т.с.с.
Істің мән-жайларына қатысты сарапшының алдына өзге де сұрақтар қойылады.
Материалдарды дайындау мен рәсімдеу: Сараптамаға істің мән-жайларына байланысты келесі материалдар жіберіледі:
пышақ, кастет, стилет, сюрикендер т.с.с. оқиға болған жерден алынған заттар;
механикалық зақым келтірілген жәбірленушінің киімдері;
металлдану іздерінің болу мүмкіндігі бар объект-тасушылар (сезіктінің киімі);
сезіктіден тінту кезінде алынған өнімдер, металлдар, пластмассалар т.с.с.
Пышақ пен киімнің өзара әсер ету контактісін анықтау кезінде, жәбірленушінің киіміндегі талшық материалдарында пайда болатын микроқабаттар, пышақтағы қан іздері зерттеу объектілері болып табылады. Мұндай жағдайда кешенді сараптама тағайындалады, аталған жағдайда зерттеудің дұрыс реттілігін анықтау қажет. Мәселен, ең алдымен талшық заттарын зерттеп, одан соң сот-медициналық сараптама тағайындау керек, соңына суық қаруды зерттеу жүргізген жөн.
Әр бір нақты жағдайға қатысты, шешілетін сұрақтарға сәйкес сараптамаға жіберілетін материалдар тергеушімен (сотпен) анықталады.
