Бұл сабақтың материалы өте күрделі. Оқушыларға оны түсінуге уақыт беріңіз. Сұраныс пен ұсыныс қисықтарының суреттерін жан-жақты қарауға жеткілікті уақыт бөліңіз. Осы қисықтардағы нүктелердің не екенін талқылаңыз. Бірінші суретте Q осі сұраныс көлемін, ал Р осі тауардың бағасын көрсететінін түсіндіріңіз. D нүктесін алыңыз және сұраныс қисығының жылжуы кезінде оның абсциссасы мен ордината осьтерінде қалай өзгеретінін қадағалаңыз. Тауардың бағасы жоғары болған сайын (яғни P осіндегі нүкте жоғары болған сайын), сұраныс көлемі соғұрлым аз (Q осіндегі 0-мен салыстырғандағы орны). Ұсыныс қисығы
үшін 2-суретпен дәл солай жұмыс істеңіз
Әдістемелік құрал:
Кәсіпкерлік және бизнес негіздері. 10-сыныпқа арналған / С. А. Щеглов, Е. С. Дүйсенханов, А.М.Фазылжанова, А. А. Сейтенова — Алматы: Көкжиек-Горизонт, 2019. —112 бет.
Сабақ презентациясы.
Оқулық, интерактивті
тақта
1-сурет. Сұраныс қисығының қозғалысы
2-сурет. Ұсыныс қисығының қозғалысы
Оқулық бойынша жаттығулармен жұмыс жасау. 1-тапсырма "Күнделікті сұраныс" тауарларына қандай тауарларды және "қымбат заттар" тауарларына қандай тауарларды жатқызуға болатынына мысал келтіріңіз? Табыстың өзгеруі осы тауарларды сатып алушылар сұранысына қалай әсер етеді?
Бұл тапсырмаға жауап берген кезде күнделікті сұраныстағы тауарлар үшін Гриффен әсерін тағы да еске түсіріңіз, бұл кезде тауарға бағаның өсуі сұраныс көлемінің төмендеуіне емес, керісінше, ұлғаюына алып келеді. Күнделікті сұраныстағы тауарларға нан, макарон өнімдері, жарма, сабын және т.б. жатқызуға болады. Сән-салтанат тауарларына техника, қымбат киім, шоколад, кәмпит және т. б. жатқызуға болады. Егер шоколад құны өссе, тұтынушылар оны азырақ сатып ала бастайды, яғни сұраныс көлемі төмендейді. Егер жарманың бағасы өссе, сұраныс көлемі азаймайды, тек тұтынушылардың бұрын қолы жететін сән-салтанат тауарларын сатып алудан бас тартуына тура келеді
