Қазақстан республикасының денсаулық сақтау министрлігі оңТҮстік қазақстан медицина академиясы
жүктеу/скачать 6,31 Mb. Pdf көрінісі
|
sagyndykova ba. anabaeva rm (3)
| Органикалық қышқылдар тұнбалары.
Күшті негіз және әлсіз қышқыл тұздары - кофеин-натрий бензоаты, натрий тиосульфаты, натрий нитриті, сульфацил-натрий қышқыл ортада тұрақсыз, сондықтан натрий гидроксидімен немесе натрий гидрокарбонатымен тұрақтандырылады. Сонымен қатар, барбитур қышқылының натрий тұздары, норсульфазол- натрий, натрий бензоаты, натрий салицилаты, эуфиллин қышқылдармен әрекеттессе, тұнба бөле отырып ыдырауы мүмкін. А.А.Фелсберг және В.А.Шидловска (1974) барбитал-натрий мен барбамилдің күрделі микстураларда кездесетін 25 дәрілік зат пен препараттармен сыйымдылығын зерттеген. Олар барбитал-натрийдің (натрий 5,5-диэтилбарбитурат, суда ерігіштігі 1:5) салыстырмалы түрде тұрақты қосылыс екендігін анықтады. Ортасы әлсіз қышқылды реакциялы заттармен және препараттармен біріксе ыдырамайды. Шүйгіншөп, меруертгүл, сасықшөп тұндырмалары, сұйық экстрактылар – шүйгіншөп, жалынгүл концентраттары, этилморфин гидрохлориді, кодеин фосфаты, новокаин дәрігердің жазған мөлшерінде барбитал (5,5- диэтилбарбитур қышқылы, суда ерігіштігі 1:170) тұнбасының түзілуін тудырмайды. Аскорбин, никотин және басқа қышқылдар концентрациясы 0,75% кем болмаса барбиталды тұнбаға түсіреді. Барбитал тұнбасы бірден көрінбейді, қышқылдың және барбитал- натрийдің концентрациясына байланысты 2, 3 немесе тіпті 4 күні байқалуы мүмкін. Барбитал-натрийдің 0,5% ерітіндісінен қышқылдар барбиталды тұнбаға түсірмейді, себебі оның мөлшері судағы ерігіштік шегінен аспаған. Барбамилдің (натрийдің 5-этил-5-изоамилбарбитураты, судағы ерігіштігі 1:5) микстуралардағы концентрациясы 0,25% және одан жоғары болса, қышқылдармен әрекеттесіп, суда аз еритін 5-этил-5- изоамилбарбитурат қышқылының тұнбасын түзеді. Өсімдік шикізатынан және сұйық экстракт-концентраттардан алынған тұндырмалар, тұнбалар, этилморфин гидрохлориді, эфедрин гидрохлориді, кодеин фосфаты, новокаин - барбамилдің қышқыл түрін концентрациясы 0,5% және жоғары ерітінділерден тұнбаға түсіреді. Барбамилдің 1% ерітіндісінен тұнбаны тіпті әлсіз сілтілі заттар - натрий бензоаты, кофеин-натрий бензоаты бөледі. Барбитал-натриймен салыстырғанда барбамилдің қышқыл түрінің тұнбасы, біртіндеп, ине кристалдары түрінде түзіледі. Барбамил және барбитал-натрий ерітінділерде дибазолмен, димедролмен және папаверин гидрохлоридімен бірігіп, суда нашар еритін осы заттардың негіздерін тұндырады. 496 Rp.: Barbamylі 1,5 Acіdі nіcotіnіcі 0,4 Solutіonіs Natrіі bromіdі 3 200 ml M.D.S. 1 ас қасықтан жатар алдында Никотин қышқылы барбамилден 5-этил-5-изоамилбарбитур қышқылын бөледі. Rp.: Barbіtalі-natrіі 3,0 Acіdі ascorbіnіcі 2,0 Іnfusі rhіzomatіs cum radіcіbus Valerіanae ex 6,0:200 ml M.D.S. 1 ас қасықтан жатар алдында Барбитал-натрий тұнбасы түзіледі. Rp.: Solutіonіs Sulfacylіі-natrіі 30 10 ml Dіcaіnі 0,1 M.D.S. 2 тамшыдан күніне 2 рет екі көзге Дикаин негізі және сульфацил қоспасынан тұратын тұнба түзіледі. Кофеин-натрий бензоатынан басқа, пуринді алкалоидтардың қос тұздарына эуфиллин жатады. Эуфиллин химиялық құрылысы бойынша 1,2-этилендиамин мен теофиллин болып табылады. Қышқылды, тіпті әлсіз сілті ортада теофиллин тұнбаға түсуі мүмкін. Rp.: Іnfusі herbae Leonurі 10,0:200 ml Euphyllіnі 3,0 M.D.S. 1 ас қасықтан күніне 2 рет Сасықшөп тұнбасының органикалық қышқылдары эуфиллинмен әрекеттесіп, теофиллин тұнбасын түзеді. жүктеу/скачать 6,31 Mb. Достарыңызбен бөлісу:
|