Денсаулық сақтау-қоғамның әлеуметтік өмірінің маңызды саласы. Ұлт денсаулығы – еліміздің ұлттық саясатының басты бағыттарының бірі. 2002 жыл –Қазақстан Республикасында денсаулық жылы деп жарияланды. 18 қыркүйек 2009 жылы «Халық денсаулығы және денсаулық сақтау жүйесі туралы» ҚР-ның Кодекс қабылданды. 2010 жылы ҚР-ның Денсаулық сақтау саласын дамытудың 2011-2015 жылдарға арналған «Саламатты Қазақстан»мемлекеттік бағдарламасын бекіту туралы ҚР Президентінің Жарлығы шықты. «Саламатты Қазақстан» бағдарламасының негізгі мақсаты-елдің орнықты әлеуметтік-демографиялық дамуын қамтамасыз ету үшін азаматтардың денсаулығын жақсарту болып табылады.
