Ақпараттық төңкеріс ақпараттық технологиялар әкелген түбегейлі өзгерістер; білімге және ғаламдық экономикаға негізделген қоғамның қалыптасуы. Ақпараттық технологиялар әлемді күрт өзгертіп, біздің өзіміз және қоғам, мәдениет жайлы көзқарастарымызға үлкен ықпал етті. Адамзаттың жалпы білім жиынтығы бұрын өте баяу өсетін.Бірақ 1900 жылдан бастап ол әрбір 50 жылда,1950 жылда әрбір 50 жылда,1970 жылдан әрбір 5 жылда ,ал 1990 жылдан жылма-жыл екі еселеніп отырды.
Бірінші ақпараттық төңкеріс жазудың пайда болуымен байланысты. Екінші ақпараттық төңкеріс XVI ғасырдың ортасында кітап басып шығарудың, баспа станогының пайда болуымен байланысты. Үшінші ақпараттық төңкеріс ХІХ ғасырдың соңына қарай өріс алды. Бұл кезде электр қуаты өндірілді. Төртінші ақпараттық төңкеріс ХХ ғасырдың 70-жылдары басталды. Бұл кезде дербес компьютер, компьютерлік желілер, мәліметтерді жіберудің спутниктік жүйелері, ақпараттық телекоммуникациялар пайда болды.
