Білім беру іс-әрекетін жүргізуге құқықты растайтын лицензияға сәйкес ТжКБ ұйымы жүзеге асыратын білім беру бағдарламалары (мамандықтар мен біліктіліктер) тізімі
04210100 «Құқықтану» • 4S04210101 «Заңгер»
01140700 «Информатика» • 4S01140701 «Бастауыш және негізгі орта білім берудің информатика мұғалімі»
«Орал жоғары көпсалалы Болашақ колледжі» мекемесі жас та болса өзіне жоғары талап қоя білетін, 11 жылдық тарихы бар, ҚР БжҒМ ТжКББ мемлекеттік жалпыға міндетті стандарты талаптарына сай ТжКББ бағдарламаларын жүзеге асырушы оқу орны.
Сапалы білім беруді қамтамасыз ету, ауыл жастары, аз қамтылған және көп балалы отбасының балаларына арнайы орта білім беруге мүмкіндік беру мақсатында 2012 жылы колледж құрылтайшысы Кукембаев Талғат Тұртайұлының бастамасымен «Орал Болашақ көпсалалы колледжі » ЖММ құрылып, педагогикалық мамандықтар бойынша маман даярлау қызметін жүзеге асырды. 2019 жылдың 21-қыркүйегінде колледждің БҚО бойынша әділет департаментіне қайта тіркелуіне байланысты атауы «Орал жоғары көпсалалы Болашақ колледжі» мекемесі деп өзгертілді.Колледж заңды тұлға статусына ие, коммерциялық емес ұйым болып есептеледі және техникалық және кәсіптік білім беру мамандарын даярлау қызметін жүзеге асырады. Колледждің негізгі контингентін ауылдық жерден келген, аз қамтылған, кедей және көпбалалы отбасылардан келген студенттер құрайды.
Колледжде кадрларды дайындау 2012 жылғы 31 шілдеде алынған АБ сериялы №0036433 мемлекеттік лицензиясы негізінде техникалық және кәсіптік, орта білімнен кейінгі білім берудің 2 мамандығы бойынша жүргізіледі: 01140700 «Информатика», 04210100 «Құқықтану»
Білім беру жүйесіндегі колледждің 11 жылдық жұмысында 200-ге жуық бастауыш мектеп мұғалімдері, заңгер мамандары даярланды. Колледж түлектері БҚО-да ғана емес, республика бойынша өз жұмыстарында түпкі білімдері мен оқытудың замануи тәсілдерін сәтті қолдана отырып, еңбек етуде.
