Жүргізуші:
Құттықтау сөз мектебіміздің директоры Искакова Шарабал Рысчанқызына сөз береміз
/Құттықтау сөз/
Жүргізуші:
Мектептен түсінеміз өмір ауылын,
Білімнің қарсы тұрар жолына кім.
Қол соғып сыңғырлатып алайықшы,
Дауысын сағынғанда қоңыраудың
Құрметті ұстаздар, шәкірттер сіздерді білім күндеріңізбен құттықтай отырып, алғашқы қоңырау соғу құрметі 1-сыныпты алғаш аттағалы тұрған шәкірттеріміз Сайрамғали Аяулым, Мирланұлы Миржан, Қапсемет Нұрасыл, Қабимұрат Ақнұрға беріледі. /күміс қоңырау соғылады/
Жиынды аяқтау. ҚР гимні орындалады.
Жүргізуші:
1-сынып оқушыларын мектеп ұстаздары құрметтеп алғашқы парталарына отырғызуларын сұраймын./Сынып кабинетіне апарып отырғызады/
Жүргізуші:
1 қыркүйек Білім күніне арналған салтанатты жиынымыз аяқталды. Құрметті қонақтар келгендеріңізге көп рахмет.
Қайнар ауылы Қайнар орта мектебі
Бұйрық № 189
24.08.21 жыл.
1-қыркүйек Білім күніне арналған
іс-шаралар өткізу туралы
Аудандық білім бөлімінің 24.08.21 жылғы № 286-Ө бұйрығы негізінде
БҰЙЫРАМЫН:
2021-2022 оқу жылының басталуына байланысты 1-қыркүйек Білім күнінің салтанатты жиын өткізілсін.
"Кел,балалар, оқылық!" тақырыбында білім беру сабағы өткізілсін.
Тәрбие ісі жөніндегі орынбасарға:
1-қыркүйек "Білім күніне "арналған іс-шаралардың жоспары бекітіліп, таныстырылсын.
Салтанатты жиынды өткізу тәртібі, сценарий білім бөліміне 27 тамызға дейін өткізілсін.
Мерекелік іс-шаралар кезінде балалардың өмірі,денсаулық қауіпсіздігі және жалпы мектепішілік тәртіпке байланысты кезекшілік ұйымдастырылып,бақылауға алынсын. .
Мектеп мұғалімдері мен ата-аналары тарапынан түнгі кезекшілік ұйымдастырылып, рейд жұмыстары жүргізілсін.
Атқарылған іс-шаралар туралы қорытынды ақпарат аудандық білім бөліміне берілсін.
Осы бұйрықтың орындалуын бақылау мен басшылыққа алу директордың тәрбие ісі жөніндегі орынбасарлары Т.З.Байтановаға жүктелсін.
Достарыңызбен бөлісу: |
