Байланысты: Ба дарламасы (Syllabus) Павлодар, Кегль 14, буквы строчные, кром
2-тапсырма. Ақпараттық жүйелерді жобалауда объектіге бағытталған тәсілдің қолданылуы
1. Оқу орны үшін тіркеу жүйесін әзірлеу есебінің қойылымы.
Университеттің оқу үрдісінде студенттерді тіркеудің клиент-серверлік жүйесін әзірлеу қажет. Бұл жүйе студенттерге университеттің локалдық жүйесіне қосылған кез келген дербес компьютерден курстарға тіркелуге және өздерінің оқу үлгерімдерін қарауға мүмкіндік береді. Профессор-оқытушылар құрамы өздері оқитын курстарын көрсетуі үшін және осы курстар үшін бағаларын қоя алатындай онлайн жүйесіне қол жеткізе алады.
Әрбір семестрдің басында студенттер осы семестрде оқылатын курстар тізімі бар курстар каталогына сұраныс жасайды. Әрбір курс туралы ақпарат оқытушының аты-жөнін, кафедраның атауын және курсты оқып-үйрену үшін алдын ала дайындық деңгейінің талаптарын қамтиды.
Бұл жүйе семестрге 4 курсты таңдауға мүмкіндік береді және студентке 2 альтернативті курсты таңдау мүмкіндігін де ұсынады, бұл қандай да бір таңдалынған курстардың толып кетуі немесе алынып тасталуы жағдайында қажеті болады. Әрбір курсқа 3 студенттен кем емес және 10 студенттен артық емес студенттер саны жазылуы керек, егер студенттердің саны 3-тен кем болса, ол курс жүргізілмейді. Әрбір семестрде студенттердің өздерінің жоспарларын өзгерте алатындай мерзім болады. Осы уақытта студенттер қандай да бір курстарды таңдауына немесе таңдалынған курстарды алып тастауы үшін жүйеге кіре алады. Студенттердің тіркелуі аяқталғаннан кейін тіркеу жүйесі ақпаратты есеп тік жүйеге жібереді, себебі студент семестрдегі курсы үшін төлем жасауы керек. Ал егер тіркеу үрдісінде курс студенттермен толық болса, онда студенттің жеке оқу жоспарын құру аяқталғанға дейін студентке осы туралы хабарлама жасалуы керек.
Семестр соңында студенттер оқу үлгерімдерінің электрондық нұсқасын көруі үшін жүйеге қатынай алады. Бұл ақпарат құпия болғандықтан, жүйе оның рұқсатсыз қатынаудан қорғалуын қамтамасыз етуі керек.
Оқытушылар өздері оқитын курстарды көрсетуі үшін және курсқа жазылған студенттердің тізімін көруі үшін жүйеге қатынай алады. Сондай-ақ оқытушылар студенттердің курстан алған бағаларын қоюға мүмкіндігі болуы керек.
