Бағдарламасы Түсіндірме жазба
Мүмкіндіктері шектеулі (психикалық дамуы тежелген) мектеп жасына дейінгі балаларды тәрбиелеу мен оқытудың
жүктеу/скачать 0,84 Mb.
|
үлгілік ОҚУ бағдарламасы 2022 қосымша
- Бұл бет үшін навигация:
- Түсініктемелік жазба
- 2-тарау. Кіші жас тобы (2 жастан бастап)
| Мүмкіндіктері шектеулі (психикалық дамуы тежелген) мектеп жасына дейінгі балаларды тәрбиелеу мен оқытудың
Үлгілік оқу бағдарламасы 1-тарау. Түсініктемелік жазба 1. Психикалық дамуы тежелген балаларды мектепке дейінгі тәрбиелеу мен оқытудың үлгілік оқу бағдарламасы (бұдан әрі – Бағдарлама) Қазақстан Республикасы «Білім туралы» Заңының 5 және 14-баптарына сәйкес, Қазақстан Республикасы Білім және ғылым министрінің бұйрығымен бекітілген Мектепке дейінгі тәрбие мен оқытудың мемлекеттік жалпыға міндетті стандарты талаптарына сәйкес әзірленді (Қазақстан Республикасының Нормативтік құқықтық актілерді мемлекеттік тіркеу тізілімінде № 17669 болып тіркелген). 2. Бағдарламаның мақсаты: психикалық дамуы тежелген балалардың жеке типологиялық ерекшеліктері мен ерекше білім беру қажеттіліктерін ескере отырып, олардың эмоционалдық, зияткерлік және әлеуметтік дамуы үшін оңтайлы жағдайлар жасау және жеке тұлғалық жағымды қасиеттерін, рухани-адамгершілік қасиеттерін қалыптастыру, «Рухани жаңғыру» бағдарламасын жүзеге асыру аясында ұлттық дәстүрлер мен жалпыадамзаттық құндылықтар негізінде отансүйгіштікке, толеранттылыққа тәрбиелеу, және де психикалық дамуы тежелген балаларды мектепте оқуға дайындау үшін олардың әлеуметтік-психологиялық, тұлғалық, ерік-жігерлік, физикалық және зияткерлік қасиеттерін қалыптастыру. 3. Бағдарламаның міндеттері: 1) баланың өмірін қорғауды және денсаулығын нығайтуды қамтамасыз ететін заттық-дамыту ортаны қалыптастыру; 2) балаларда айналасындағы адамдарымен және заттармен өзара-қатынастың әлеуметтік тәжірибесін меңгеру тәсілдерін қалыптастыру; 3) танымдық-зерттеу әрекетін, танымдық белсенділігін дамыту; 4) коммуникативтік белсенділігін дамыту, коммуникация құралдарын, үлкендермен және құрдастарымен конструктивті өзара әрекеттесу және ынтымақтастық әдістерін, әлеуметтік мақұлданған мінез-құлығын қалыптастыру; 5) сөйлеу тілінің барлық компоненттерін дамыту; 6) оқу іс-әрекетінің алғы шарттарын қалыптастыру, жеке ерекшеліктері мен мүмкіндіктерін ескере отырып, мектептегі оқуға дайындау, эмоционалдық-тұлғалық, ерікті және мінез-құлық саласындағы кемшіліктердің алдын алу және жою; 4. Бағдарламаның мазмұны келесілерге бағытталған: 1) оқытудың күтілетін нәтижелері түрінде ұсынылған мақсат пен міндеттерге қол жеткізу; 2) барлық білім беру салалары шеңберінде түзету-дамыту бағыттылығын қамтамасыз ету: эмоционалдық-еріктік, тұлғалық, әлеуметтік-коммуникативтік, танымдық және қимыл-қозғалыс салаларындағы даму кемшіліктерін дамыту және мақсатты-бағытты түзету; 3) түзету-дамыту процесі үздіксіздігінің шарты ретінде мектепке дейінгі және мектептегі білім беру арасындағы сабақтастықты қамтамасыз ету; 4) айналадағы дүние туралы түсініктерді қалыптастыру, кеңейту, байыту және жүйелеу, меңгерілген ұғымдарды, біліктер мен дағдыларды практикалық және ойын әрекеттеріне қосу; 5) танымдық және сөйлеу әрекетін тұрақты ынталандыруды қамтамасыз ету, өзіне, қоршаған заттық әлемге және әлеуметтік ортаға қызығушылық тудыру; 6) пәндік-тәжірибелік, ойындық, өнімдік, эксперименттік іс-әрекеттерді және оқу іс-әрекетінің алғы шарттарын, олардың уәждемелік, реттеуші, операциялық компоненттерін қалыптастыруға бағыттай отырып, мақсатты дамыту; 7) тәрбиеленушілердің жеке және жас ерекшеліктерін ескере отырып, оқу іс-әрекетіне дайындау; 8) «Рухани жаңғыру» бағдарламасын жүзеге асыру шеңберінде ұлттық дәстүрлер мен жалпыадамзаттық құндылықтар негізінде рухани-адамгершілік дағдыларын қалыптастыру. 5. Әрбір сала бойынша күтілетін нәтижелер оқыту мақсаттарының жүйесімен берілген. 6. Бағдарламаның мазмұны, балалардың дене және психикалық дамуының жас кезеңдерiн ескере отырып, келесідей жас топтарында жүзеге асырылады: 1) кіші топ – 2 жастан бастап; 2) орта топ – 3 жастан бастап; 3) жоғары топ – 4 жастан бастап; 4) мектепалды дайындық тобы (сыныбы) – 5 жастан бастап. 7. Мектепке дейінгі тәрбие мен оқытудың Үлгілік оқу бағдарламасының мазмұнын оқушылардың меңгеру мерзімі - 4 жыл. 8. Бағдарлама психикалық дамуы тежелген балаларға арналған арнайы мектепке дейінгі ұйымдардың мамандарына ұсынылады. 2-тарау. Кіші жас тобы (2 жастан бастап) 1-параграф. «Денсаулық» білім беру саласы 9. «Денсаулық» білім беру саласының базалық мазмұны дене шынықтыру ұйымдастырылған оқу қызметінде жүзеге асырылады. 10. Мақсаты – қимыл-қозғалыстың негізгі түрлерін қалыптастыру және жетілдіру, бала денесінің барлық бұлшықет топтарын нығайту, денсаулықты сақтайтын технологияларды пайдалана отырып, дене дамуына ықпал ету. 11. Оқыту және тәрбиелеу міндеттері: берілген бағытта еркін режимде қозғалыс дағдыларын, жүру және жүгіру дағдыларын қалыптастыру; балаларды ересек адамның сигналы мен бұйрығына сәйкес қимылдарын үйлестіруге, іс-әрекеттің бағыты мен сипатын өзгертуге үйрету; бағанға бір-бірден, саппен, шеңбер болып тұруды, сапқа тұру кезінде өз орнын табуды үйрету; биіктіктен секіру, орнында және алға жылжу кезінде екі аяқпен итеріп, дұрыс жерге түсуді үйрету; домалату, лақтыру кезінде заттарды жігерлі түрде тойтару білігін бекіту; бір уақытта екі қолыңызбен допты ұстауға үйрету; өрмелеу кезінде кермені ұстауға үйрету; еңбектеу қабілетін бекіту; отыру, тұру, қозғалу, тепе-теңдікте жаттығуларды орындау кезінде дұрыс дене қалпын сақтауға үйрету; балаларда кеңістіктегі қарапайым бағдарлау дағдыларын қалыптастыру; балалардың қозғалмалы ойындар мен ойын жаттығуларына қатысуға ұмтылуын ынталандыру; қозғалмалы ойындарда ережелерді орындауға үйрету. жүктеу/скачать 0,84 Mb. Достарыңызбен бөлісу:
|