Бағдарламасы Түсіндірме жазба
-тарау. Ересек топ (4 жастан бастап)
жүктеу/скачать 1,17 Mb.
|
үлгілік ОҚУ бағдарламасы 2022 қосымша (1)
- Бұл бет үшін навигация:
- 2-параграф. I-жартыжылдық
| 4-тарау. Ересек топ (4 жастан бастап)
1-параграф. «Денсаулық» білім беру саласы 80. «Денсаулық» білім беру саласының базалық мазмұны дене шынықтыру ұйымдастырылған оқу қызметінде жүзеге асырылады. 81. Мақсаты- денсаулық сақтау технологиясын қолдана отырып, қозғалыс біліктілігі мен дағдыларды қолдануға ұмтылу, баланың денсаулығын нығайту және қорғау, дене шынықтыруға деген қызығушылықты дамыту. 82. Міндеттері: балалардың қозғалыс әрекетін ұйымдастырудың әртүрлі формаларында қимылдарды дұрыс орындау біліктілігі мен дағдыларын қалыптастыру; дене қасиеттерін, ептілікті, төзімділікті, қозғалыс координациясын, тепе-теңдікті, икемділікті сақтай білуді қалыптастыру; әр түрлі қимыл-қозғалыс біліктілігі мен дағдылары арқылы оқушылардың шығармашылық қабілеттерін дамыту; жүру мен жүгіру, секіру мен лақтыру, лақтыру және ұстау, жорғалау және өрмелеу кезіндегі негізгі қозғалыс түрлерін, жеке бас гигиенасы дағдыларын және денсаулықты сақтау негіздерін жетілдіру; дене жаттығуларын орындауға қызығушылықты, салауатты өмір салтына ұмтылуды тәрбиелеу; түрлі ұлттық қозғалмалы ойындарға, жарыстық сипаттағы ойындарға қызығушылықты ояту. 2-параграф. I-жартыжылдық 83. Дене шынықтыру. Сапқа тұру (5 сағат). Ширату (5 сағат): заттарды пайдалану арқылы (гимнастикалық таяқтар және т.б.); заттарды пайдаланбай. Дене қалпын қалыптастыруға арналған жаттығулар (20 сағат): қабырғаға бастың артқы жағымен және арқаны тигізіп, тұрып жаттығу жасау; тірексіз отыру, арқаны ұзартып түзеу, қолды еденге қою жаттығулары; еденде жатып омыртқаны созу және иілу, қолды аяққа орау жаттығулары. Жалпақ табанның алдын алуға арналған ойындар мен жаттығулар (25 сағат): тұрған қалыпта орындайтын жаттығулар (заттарсыз, заттарды қолдана отырып) отыру қалпында орындайтын жаттығулар (заттарсыз, заттарды қолдана отырып). Көру-моторлы координациясын қалыптастыруға арналған доппен жаттығулар (25 сағат): әртүрлі ойындар арқылы допты нысанаға лақтыруға жаттықтыру; кішкентай допты нысанаға лақтыру, үлкен-кіші доптарды лақтыру және қағып алу; футбол жаттығулары. жүгіру, секіру және бір уақытта лақтыру элементтері бар қозғалмалы ойындар. Музыкалық-ырғақтық қозғалыстар. Музыкалық сүйемелдеуге сәйкес әртүрлі қарқынмен таныс дене жаттығуларын орындау. Спорттық жаттығулар: 1) шанамен сырғанау. Төбеден төмен түсу; бір-бірін сырғанату; шанамен төбеге шығу, одан түскенде жылдамдығын азайту. Мұзды жолдармен өздігінен сырғанау; 2) шаңғы тебу. Шаңғы жолында бірінен соң бірі сырғанау қадамымен жүру мүмкіндігі. Төбеге баспалдақпен, бүйірден көтерілу. Ересектердің көмегімен шаңғыны кию және шешу; 3) велосипед, самокат тебу. Үш доңғалақты және екі доңғалақты велосипед, самокат тебу. Оңға, солға бұрылыстар жасау; 4) жүзуге дайындық. Суға кіру және суға түсу, суда ойнау; суда отыру кезінде аяқпен жоғары және төмен қимылдарды орындау; суға иек, көзге дейін отырып сүңгу, судан шығу, бетті суға батыру, басымен суға түсу, еркін тәсілмен жүзуге тырысу. Тыныс алу жүйесін дамытуға арналған жаттығулар (5 сағат). Дене шынықтыру демалысы 2 айда 1 рет, ұзақтығы 20 минут. Дене шынықтыру мерекесі жылына 2 рет (қысқы және жазғы), ұзақтығы 45 минутқа дейін. Денсаулық күні екі айда 1 рет, ұзақтығы 30 минутқа дейін. Дербес қимыл белсенділігі. Балаларды доппен ойнауға баулу, дене шынықтыру құралдарын, құрал-жабдықтарды, спорттық және қозғалмалы ойындарға атрибуттарды пайдалануға баулу. Балаларды мұғаліммен бірге жаттығулар жасауға баулу, ашық ауадағы ойындарға қатысуға қызығушылықтарын ояту. Ауа-райының жағдайын ескере отырып, балалардың ауадағы қозғалыс белсенділігіне жағдай жасау. Сауықтыру-шынықтыру шаралары: Шынықтырудың барлық түрлерін, жалпы және жергілікті су рәсімдерін жүргізу: дымқыл сүрту, аяқты, денені сулау. Жалаң аяқ жүру, жұтқыншақты шынықтыру. Күтілетін нәтижелер: сапқа тұруды біледі; ересек адамның бұйрықтарын орындайды; құралдарды қолданбай, заттарды пайдалана отырып, арқа бұлшықеттерін, іш бұлшықеттерін күшейту үшін қозғалыстарды орындайды; бірінен соң бірі қозғалатын сапта ересек адамның бұрығымен табанның дамуына арналған қозғалыстарды орындайды; заттардың көмегімен табанды дамытуға арналған қозғалыстарды орындайды; дұрыс дене қалпын дамыту жаттығуларын орындайды; заттарды пайдалана отырып, қозғалыс кезінде жаттығуларды орындайды; командалық ойындарды ойнауды біледі; эстафеталық жарыстарға қатыса алады. жүктеу/скачать 1,17 Mb. Достарыңызбен бөлісу:
|