«Тәуелсіздіктің 30 жылдығы» Тәуелсіз Қазақстан - елім менің! Кең байтақ, көк майсалы жерің сенің.
Өзіңде туып – өсіп, өркендеген, Отан сүйгіш ұрпағыңның бірі менмін.
30 жылдық мерейіңді ұлан асыр, Барша халық қуана тойлап жатыр. Мерейің үстем болсын, Туған елім, Дами бергін аршындап сансыз ғасыр.
«Балабақшам» Екінші үйім – бұл менің, Күнде осында келемін.
Достарыммен бірге ойнап, Ән саламын, билеймін.
Тәрбиеші апайым,
Жаны жайсаң жаздайын. Келген кезде күлімдеп, Жасар бала жағдайын.
Бақшада көп қызық бар, Сұлу, ерке, бұзықтар.
Ойын, оқу, еңбекпен, Толып жатқан қызықтар.
Тәуелсіз елім Анамның әлдиі, Әкемнің ән-күйі.
Тербетіп даланы, Бауратып алады. Атамның батасы, Әжемнің нан-асы. Әл беріп демдейді, Шуаққа бөлейді.
Тәуелсіз-елімнің, Тәуелсіз жерімнің. Бақытты баласы, Өсіп мен келемін!
Бақыт деген Бақыт деген ақ таң, Арайланып атқан.
Бақыт-менің әкем, Бақыт-деген анам. Кең құшағын ашқан, Бақыт-менің бақшам. Қадамымды нықтап, Тәрбиелеп баққан.
Бақыт деген саулық, Бақыт-аппақ жаулық. Бақыт деген-білім, Соны біліп жүргін.
Әбілғазықызы Камшат
Бағдаршам Өткен кезде жолдан, Ережені қолдан.
Бірден жолға шықсаң, Көлік шығар алдан.
Абайлап жүр, бала! Бағдаршамға қара. Кезек-кезек жанатын, Үш түсі бар онда.
Қызыл жанса –ТОҚТА, Жүгіріп,асып-саспа.
Белгі берді қызыл, Кәріге де жасқа.
Сары түс жанса – дайындал, Сақтықты ойға құйып ал.
Әрбір түстің осындай Өзіндік бір сыры бар.
Жасыл жанса - бағанда, Жол ашылар саған да. Сәтті болсын сапарың Мұқият бол әмәнда.
Достарыңызбен бөлісу: | 
