Тәуелсіз ел – Қазақстан!
Тәуелсіз елім, Кең байтақ жерім,
Жырымды саған арнаймын! Ну орман, көлің,
Асқар тау, белің,
Көгіңде шалқып самғаймын!
Тамаша, көркем, Шырайлы өлкем,
Отаным менің – Ғажапстан! Байлығың асқан,
Тарихың – дастан, Тәуелсіз ел – Қазақстан!
Балабақша – базарлы үй Алтын арай бақшамыз, Шаңырағы - шаттықтың.
Қуанышы өзіңсің, Балғын сәби жастықтың.
Азанменен оянып, Бақшамызға барамыз. Таң нұрына боялып, Білім нәрін аламыз.
Тамаша ғой бақшада, Ойнаймыз да, күлеміз. Қызықтар көп қаншама, Бақытты боп жүреміз.
Тәрбиеші жылуы, Тәнді баурап алады.
Балабақша – базарлы үй, Мәңгі есте қалады!
Тәрбиеші - өз анам!
Тәрбие мен білімді, Тәрбиеші береді.
Баласындай қадірлеп, Бізді жақсы көреді.
Ең алғашқы дағдыны, Бойымызға сіңіріп.
Қиындыққа мойымай, Жүреді әр кез ол күліп.
Сыйлауды да үйреткен, Жинауды да үйреткен, Тәрбиеші ұстазға Қандай адам тең келген?
Мейірімді, кең пейіл, Тәрбиеші – өз анам! Үлгі етіп өзіңді, Құдіретіңе табынам!
Санамақ: «Менің отбасым»
Ал, балалар, қараңдар, Бәрін қосып санаңдар. Бір шаңырақ астында Нешеу екен адамдар?
Атам менен Әжем бар, Әкем менен Анам бар. Ағайынды біздерді Дара – дара санаңдар.
Ағам менен Әпкем бар, Қарындас, Інім тағы бар. Осы тұрған жандарға Мені қосып санаңдар.
Достарыңызбен бөлісу: 
