Асық едім ойнайтын, Қызыққа еш тоймайтын Достарыммен жарысып Мен елгезек боламын! Қатарымнан қалмайтын Еріншек, ез болмайтын Алдына жан салмайтын Озат жолды таңдайтын! Алшы тұрған құлжадай
Қорғасын құйған САҚАМЫН!
Абдрахманова Таннуры Даулетбековна
Қоян Қоян,қоян, әй,қоян, Өзің қорқақ ,сұр қоян.
Сыбдыр- тарсыл естісең, Қашып кетер сұр қоян Қоян деген қорқақ қой, Жан-жағыңды байқап қой! Сарт-сұрт еткен дыбыстан, Қатты шыққан дауыстан.
Сиыр Сиыр сүттің анасы, Құрт, ірімшік, малтасы. Сүтті ішсең дәрумен, Емделмейсің дәрімен.
Мысық Мысық - тышқан жауы ғой, Аулап жүрер күн- түні.
Мысық пештің сәні ғой, Ұйықтайды ол күні-түні.
Мен мысықпын, мысықпын, Екі көзі қысықпын.
Түнімен тышқан аулайтын, Өзім епті пысықпын.
Түлкі Түлкі –деген қу ғой, Жүрген жері ду ғой. Бауырсақты жеп қойған, Нағыз қудың қуы ғой.
Күшік Мен күшікпін айбатты, Өзім батыр қайратты. Үй күзетем ұйықтамай,
Бақылап барлық аймақты.
Жылқы Жылқы қымыз бастауы, Сұлы толы астауы.
Қазы, қарта,жая бар, Ұлы тойдың бастауы.
Амренова Айнур Бутейовна
Ағаш егіп жатырмыз Еңбексүйгіш, батырмыз, Жақсы іске жақынбыз.
Бақшамыздың төріне Ағаш егіп жатырмыз. Босқа қарап жатпаймыз, Жаздай күтіп-баптаймыз!
Қазақстан – Отаным
Желбіреткен тұлымын, Мен қазақтаң ұлымын. Қазақстан – Отаным, Тәуелсіздік – тұғырым!
Көкте күнім күлімде, Атты күліп ғажап таң! Тәуелсіз Ел бүгін де, Отанымыз Қазақстан!
Отаным Бақытты балалық шағымның Себебі өзіңсің, Отаным!
Сен барда жанғаны бағымның, Өзіңнен жалындап от алдым.
Достарыңызбен бөлісу: | 
